‘आदिपुरुष’च्या निर्मात्यांनी दिलेल्या ऑफरचा चित्रपटाच्या कमाईवर शून्य टक्के परिणाम….वादग्रस्त सिनेमा बॉक्स ऑफीसवर पार करू शकला 250 कोटींचा टप्पा

प्रेक्षकवर्ग आता हुशार झाला आहे...त्यामुळे वादात अडकलेल्या आणि कथानक नसलेल्या सिनेमाकडे प्रेक्षकवर्ग पाठ फिरवताना पाहायला मिळाला. त्यात निर्मात्यांन दिलेल्या ऑफरचा परिणाम काही केल्या दिसला नाही. किती झालं बॉक्स ऑफीस कलेक्शन? प्रेक्षकवर्ग निराश झाल्याचे काय होतायत परिणाम जाणून घेऊयात....

Adipurush Box Office Collection Day 7 : (Adipurush) हा सिनेमा रिलीजआधीपासूनच चर्चेत होता. प्रभास (Prabhas),क्रिती सॅनॉन (Kriti Sanon),सैफ अली खान (Saif Ali khan) या तगड्या स्टारकास्टमुळे या सिनेमाची चाहत्यांमध्ये खूप उत्सुकता होती. पण रिलीजनंतर या सिनेमावर प्रेक्षक नाराजी व्यक्त करत आहेत. ‘आदिपुरुष’ने रिलीजच्या पहिल्या दिवशी चांगलीच कमाई केली. पण नंतर या सिनेमाच्या कमाईत घट झाली आहे.

‘आदिपुरुष’ सिनेमाच्या निर्मात्यांनी हा सिनेमा चालावा यासाठी 22 आणि 23 जूनला खास ऑफर ठेवली होती. ही ऑफर म्हणजे, ‘आदिपुरुष’ सिनेमाच्या तिकीटांची किंमत 150 रुपये ठेवण्यात आली होती. पण या ऑफरचा सिनेमाच्या कमाईवर कोणताही परिणाम झाला नाही.

See more

‘आदिपुरुष’चं बॉक्स ऑफिस कलेक्शन (Adipurush Box Office Collection)

‘आदिपुरुष’ या सिनेमाने रिलीजच्या पहिल्या दिवशी 86 कोटींची कमाई केली होती. पण नंतर या सिनेमाच्या कमाईत घट व्हायला लागली. आतापर्यंत या सिनेमाने 260.55 कोटींचा गल्ला जमवला आहे.

• पहिला दिवस : 86 कोटी
• दुसरा दिवस : 65.25 कोटी
• तिसरा दिवस : 29.03 कोटी
• चौथा दिवस : 16 कोटी
• पाचवा दिवस : 10.7 कोटी
• सहावा दिवस : 7.25 कोटी
• सातवा दिवस : 5.50 कोटी
• एकूण कमाई : 260.55

[read_also content=”‘द कपिल शर्मा शो’ लवकरच घेणार निरोप, ‘या’ दिवशी प्रसारित होणार शेवटचा भाग, कपिल पुढे करणार काय? https://www.navarashtra.com/entertainment/the-kapil-sharma-show-to-end-very-sonn-team-going-to-us-nrsr-421748/”]

‘आदिपुरुष’ने जगभरात पार केला 400 कोटींचा टप्पा

‘आदिपुरुष’ या सिनेमाने जगभरात 400 कोटींचा टप्पा पार केला आहे. या सिनेमाने रिलीजच्या सहा दिवसांत जगभरात 410 कोटींची कमाई केली होती. 500 कोटींच्या बजेटमध्ये या सिनेमाची निर्मिती करण्यात आली आहे. आता हा सिनेमा बॉक्स ऑफिसवर किती कोटींची कमाई करणार याकडे सर्वांचं लक्ष लागलं आहे.