(फोटो सौजन्य- इन्स्टाग्राम)
आदित्य धरच्या बहुप्रतिक्षित चित्रपट ‘धुरंधर २: द रिव्हेंज’ने सर्वत्र चर्चा निर्माण केली आहे. या चित्रपटात आर. माधवनने ‘रॉ’ एजंट अजय सन्यालची भूमिका साकारली आहे, जो रणवीर सिंगला आपला सैनिक म्हणून पाकिस्तानात घुसवतो. जस्कीरत सिंग रंगीपासून त्याचे हमजामध्ये रूपांतर होते, जो भारताच्या कारवाईचा बदला घेण्यासाठी पाकिस्तानात प्रवेश करून दहशतवाद्यांना ठार मारतो. हा चित्रपट कराचीच्या गुन्हेगारी टोळ्या आणि पाकिस्तानी राजकीय वर्तुळात त्यांची घुसखोरी यांची कथा सांगतो. अर्जुन रामपाल आणि रणवीर सिंग यांच्या व्यतिरिक्त संजय दत्त, आर. माधवन, सारा अर्जुन, राकेश बेदी आणि इतर कलाकारांनीही महत्त्वपूर्ण भूमिका साकारल्या आहेत.
चित्रपटाने कमाईच्या बाबतीत रचला नवा इतिहास
दिग्दर्शक आदित्य धर यांच्या चित्रपटाने कमाईच्या बाबतीत नवा इतिहास रचला असून, आता तो देशातील सर्वात मोठा ब्लॉकबस्टर चित्रपट मानला जात आहे. इतकेच नाही, तर अवघ्या २८ दिवसांत या चित्रपटाने आमिर खान आणि सलमान खानसारख्या मोठ्या स्टार्सच्या चित्रपटांनाही मागे टाकत अनेक विक्रम प्रस्थापित केले आहेत. चला, ‘धुरंधर २’ ने प्रस्थापित केलेले ते आठ नवीन विक्रम पाहूया, ज्यामुळे तो २०२६ सालचा सर्वात मोठा ब्लॉकबस्टर ठरला आहे.
View this post on Instagram
सर्वाधिक जागतिक कमाई
या चित्रपटाची सर्वात मोठी उपलब्धी म्हणजे त्याची जगभरातील कमाई. ‘धुरंधर’ आणि ‘धुरंधर २: द रिव्हेंज’ या दोन्ही चित्रपटांची एकत्रित कमाई ३,००० कोटी रुपयांपेक्षा जास्त झाली आहे. हा पराक्रम करणारी ही पहिली भारतीय चित्रपट मालिका ठरली आहे. यापूर्वी कोणताही चित्रपट किंवा फ्रँचायझी हा टप्पा गाठू शकलेला नाही. हा विक्रम चित्रपटसृष्टीतील एक मोठी उपलब्धी म्हणून पाहिला जात आहे आणि प्रत्येकजण त्याच्या यशाबद्दल बोलत आहे.
सगळ्या मोठा पेड प्रिव्ह्यू
एवढंच नाही तर, या चित्रपटाने प्रदर्शनापूर्वीच एक मोठा विक्रम प्रस्थापित केला होता. पेड प्रिव्ह्यू दरम्यान, या चित्रपटाने ₹४४ कोटींची कमाई केली, जी कोणत्याही भारतीय चित्रपटासाठी आतापर्यंतची सर्वाधिक कमाई आहे. प्रिव्ह्यू शोमधून सहसा इतकी मोठी कमाई होत नाही, पण या चित्रपटाने अगदी सुरुवातीपासूनच आपली ताकद दाखवून दिली. हा चित्रपट बॉक्स ऑफिसवर मोठी कमाई करणार हे स्पष्ट होते आणि नेमके तसेच घडले
