(फोटो सौजन्य- इन्स्टाग्राम)
कन्नड चित्रपटसृष्टीतील ज्येष्ठ अभिनेते उमेश यांचे वयाच्या ८० व्या वर्षी निधन झाले आहे. ते बऱ्याच काळापासून आरोग्याच्या समस्यांशी झुंजत होते. यकृताच्या कर्करोगाशी झुंज देत त्यांचे निधन झाले. त्यांनी अखेरचा श्वास घेत चाहत्यांचा निरोप घेतला आहे, अभिनेत्याच्या जाण्याने कन्नड चित्रपटसृष्टीला मोठा धक्का बसला आहे. तसेच आता त्यांचे संपूर्ण कुटुंब आणि त्यांचे चाहते त्यांना श्रद्धांजली वाहत आहेत.
‘ही- मॅन’च्या जाण्याने अजूनही दुःखी आहे सलमान; ‘बिग बॉस’च्या मंचावर म्हणाला, ‘काश हा वीकेंडचा वार..’
गेल्या अनेक दिवसांपासून ते यकृताच्या कर्करोगावर उपचार घेत होते. कन्नड चित्रपटसृष्टीतील ज्येष्ठ अभिनेते आणि विनोदी कलाकार एमएस उमेश यांचे रविवारी निधन झाले. काही दिवसांपूर्वी ते घरी पडले होते आणि त्यांना उपचारासाठी रुग्णालयात दाखल करण्यात आले होते. शस्त्रक्रियेदरम्यान डॉक्टरांना यकृताचा कर्करोग आढळला. कर्करोगावर उपचार सुरू झाले. यकृताच्या कर्करोगाशी जीवघेण्या लढाईत त्यांनी रविवारी वयाच्या ८० व्या वर्षी अखेरचा श्वास घेतला. उमेशने त्यांच्या अभिनय कारकिर्दीत ३५० हून अधिक चित्रपटांमध्ये काम केले होते. त्यांनी रजनीकांतसह इतर अनेक प्रमुख दक्षिण भारतीय कलाकारांसोबत काम केले होते.
कर्नाटकच्या माजी मुख्यमंत्र्यांनी वाहिली श्रद्धांजली
कर्नाटकचे माजी मुख्यमंत्री आणि खासदार एचडी कुमारस्वामी यांनी त्यांच्या ट्विटर अकाउंटवर अभिनेते उमेश यांच्या निधनाबद्दल शोक व्यक्त केला. त्यांनी लिहिले की, “प्रसिद्ध विनोदी कलाकार श्री एमएस उमेश यांच्या निधनाचे वृत्त ऐकून मला खूप दुःख झाले आहे. उमेश त्यांच्या विनोदाने प्रेक्षकांना हास्य देत असत. ते कन्नड चित्रपट उद्योगाला पुढे नेणारे अभिनेते होते.” असे म्हणत त्यांनी त्यांना श्रद्धांजली वाहिली आहे.
अभिनेता उमेश यांचे अंत्यसंस्कार आज होणार
कन्नड अभिनेत्याच्या मुलीने सांगितले आहे की उमेश यांचे अंत्यसंस्कार रविवारी होतील. ते तिच्या वडिलांचे पार्थिव रुग्णालयातून घरी घेऊन जात आहेत. त्यानंतर ते अधिक माहिती चाहत्यांना देखील आहेत. अभिनेते उमेश यांनी अनेक कन्नड कॉमेडी चित्रपटामध्ये काम केले आहे. आणि चाहत्यांचे मनोरंजन केले आहे. अभिनेते जरी आज आपल्यात नसले तरी त्यांच्या आठवणी चाहत्यांच्या मनात नेहमीच जिवंत राहणार आहेत.
