शनिवार, 24 ऑक्टोबर 2026
(फोटो सौजन्य - इन्स्टाग्राम)
बादशाह आणि नोरा फतेही या दोघांचा नवा समर अँथम ‘सजन रे’ रिलीज झाला असून, यात दमदार डान्सर नोरा फतेही आणि हिटमेकर बादशाह एकत्र आले आहेत. जोश आणि मस्तीचा संगम असलेला हा ट्रॅक दोन्ही कलाकारांसाठी खास ठरत आहे, कारण अलीकडेच त्यांच्या वेगवेगळ्या गाण्यांवरून ते चर्चेत होते बादशाहच्या गाण्याच्या बोलांवर प्रश्न उपस्थित झाले होते, तर नोरा फतेहीच्या डान्सवर अश्लीलतेचे आरोप झाले होते.
‘सजन रे’ हे एक एनर्जेटिक गाणं असून, देसी हिप-हॉपला नव्या धुनेत सादर करतं. बादशाहच्या खास रिदम आणि लिरिक्समुळे गाण्याला वेगळी ओळख मिळते, तर नोरा फतेहीच्या सादरीकरणामुळे त्याला अधिक आकर्षक रूप प्राप्त झालं आहे.
‘साजन रे’ या गाण्याबद्दलची मते
‘सजन रे’ या गाण्याला अल्पावधीतच प्रचंड प्रतिसाद मिळत आहे. बादशाहच्या दमदार आवाजासोबत हिप-हॉप म्युझिकचा अनोखा संगम साधला गेला असून, त्यामुळे गाण्याची क्रिएटिविटी अधिक उठून दिसते. हे गाणे संगीतकार संजय यांनी कंपोज केले असून, त्यांनीच बादशाह आणि नोरा फतेही सोबत मिळून त्याचे लेखनही केले आहे. हे गाणं रिलीज होऊन अवघे 24 तास झाले असतानाच या गाण्याने 67 लाखांहून अधिक व्ह्यूज पार केले आहेत.
Sunanda Sharma च्या लाईव्ह कॉन्सर्टदरम्यान फॅनने केली धक्कादायक कृती; गायिकेची संतप्त प्रतिक्रिया
हे गाणं मुंबईच्या झोपडपट्टीत चित्रित करण्यात आले
इन्फ्लिक्ट दिग्दर्शित या व्हिडिओमध्ये ग्लॅमरस शैलीसोबतच देसी टचही दाखवण्यात आला आहे. मुंबईच्या झोपडपट्टीत चित्रित झालेल्या या व्हिडिओमध्ये ग्लॅमर आणि दैनंदिन जीवनाचे मिश्रण दाखवण्यात आले आहे. चाहत्यांनी कमेंट्स सेक्शनमध्ये नोरा आणि बादशाह दोघांवरही प्रेमाचा वर्षाव केला आहे. सर्वांना हे नवीन गाणे खूप आवडत आहे.
‘साजन रे’ला चाहत्यांकडून पसंती
हिप-हॉप बीट्स आणि अप्रतिम चालींनी भरलेल्या ‘साजन रे’ने चाहत्यांमध्ये आधीच उत्सुकता निर्माण केली आहे. नोरा फतेहीच्या डान्स मूव्ह्स आणि बादशाहच्या आवाजाने या म्युझिक व्हिडिओला जिवंत केले आहे. ‘साजन रे’ आता सर्व प्लॅटफॉर्मवर स्ट्रीमिंगसाठी उपलब्ध आहे आणि त्याचा अधिकृत म्युझिक व्हिडिओ टी-सीरीजच्या यूट्यूब चॅनलवर उपलब्ध आहे.
बादशाहचे ‘टटीरी’ गाणे चर्चेत
अलीकडेच, बादशाहच्या ‘टटीरी’ या गाण्यावरून बराच वाद निर्माण झाला होता. महिलांनी हे गाणे आक्षेपार्ह आणि अनुचित असल्याचे सांगत त्याचा निषेध केला होता. पोलिसांनी गुन्हा दाखल केला आणि हरियाणा राज्य महिला आयोगाने गायिकेला समन्स बजावले. १३ मार्च रोजी, आयोगाच्या अध्यक्षा रेणू भाटिया यांनी निश्चित केलेल्या दुपारी ३ वाजण्याच्या मुदतीपूर्वी बादशाह हजर न झाल्याने, आयोगाने पंचकुला आणि पानिपतच्या अधीक्षकांना त्याला अटक करून त्याचा पासपोर्ट जप्त करण्याचे निर्देश दिले.
नोरा फतेहीच्या ‘सरके चुनर तेरी’ गाण्यावरून वाद
दरम्यान, नोरा फतेही आणि संजय दत्त यांच्या ‘केडी: द डेव्हिल’ या चित्रपटातील ‘सरके चुनर तेरी सरके’ या बॉलीवूड गाण्यावरून नोराचे प्रकरण अधिकच चिघळले. गाण्याचे बोल आणि अश्लील नृत्यावर प्रश्नचिन्ह उपस्थित करण्यात आले. गाण्याचे बोल आणि दृश्य अश्लील असल्याची सरकारने दखल घेतली आहे.
