बुधवार, 21 ऑक्टोबर 2026
फोटो सौजन्य: प्रियदर्शनी इंदलकर इन्स्टाग्राम
मराठी टेलिव्हिजन आणि सिनेअभिनेत्री प्रियदर्शनी इंदलकरने आपल्या अभिनयाच्या जोरावर प्रेक्षकांमध्ये प्रसिद्धी मिळवली आहे. छोट्या पडद्यावरील ‘महाराष्ट्राची हास्यजत्रा’या लोकप्रिय कार्यक्रमातून घराघरात पोहोचलेली प्रियदर्शिनी इंदलकर सोशल मीडियावर सक्रिय असते. अभिनेत्री कायमच इन्स्टाग्रामवर आपले स्टायलिश फोटो आणि व्हिडिओ शेअर करत असते. शिवाय आपल्या अपकमिंग प्रोजेक्टबद्दलही ती चाहत्यांना माहिती देत असते. अशातच अभिनेत्रीने इन्स्टाग्रामवर सध्या ‘विषामृत’ नाटकाच्यानिमित्त एका अभिनेत्रीसाठी खास पोस्ट शेअर केली आहे.
प्रियदर्शनीने शेअर केलेल्या पोस्टमध्ये ‘विषामृत’ नाटकानिमित्त अभिनेत्री आरती मोरेसाठी खास पोस्टमध्ये शेअर केली आहे. शेअर केलेल्या पोस्टमध्ये अभिनेत्री म्हणते, “नेहमी इच्छा होती, एकत्र राहायला लागल्यापासून… हिच्याबरोबर कधीतरी काम करता यावं… तुझ्याबद्दलचं जे जे कौतुक ऐकिवात होतं… ते तुझ्याबरोबर काम करताना खूप जवळून अनुभवलं. किती बारीक बारीक गोष्टींवर काम करतेस… सतत करत राहतेस. नाटकावरचं तुझं प्रेम, तुझ्या वावरातुन दिसत राहतं..राणीचं पात्र तू ज्या पद्धतीने उभं केलयंस, ते अक्षरशः प्रेमात पाडणारं आहे. तू खूप गोष्टींसाठी पात्र आहेस, आरती… आणि तुझ्या प्रवासाचा भाग होता आलं याचं मला समाधान आहे. रुममेट्स ते मैत्री ते आता सहकलाकार…’झी नाट्य गौरव पुरस्कार २०२५’मध्ये तुला विषामृत या नाटकातील सहाय्यक भूमिकेसाठी नॉमिनेशन मिळाल्याबद्दल अभिनंदन.”
View this post on Instagram
दरम्यान, प्रियदर्शिनी इंदलकरच्या कामाविषयी सांगायचं तर, सध्या ‘विषामृत’, एव्हरेस्ट हास्यमराठीचा ‘अलमोस्ट कॉमेडी’शो आणि ‘महाराष्ट्राची हास्यजत्रा’या शोमुळे प्रियदर्शनी चर्चेत आहे. तिच्या ‘विषामृत’नाटकाला प्रेक्षकांकडून दमदार प्रतिसाद मिळताना दिसत आहे. या नाटकात तिच्याबरोबर अभिनेता शुभंकर तावडे प्रमुख भूमिकेत आहे. काही दिवसांपूर्वीच प्रियदर्शिनीचा ‘रुखवत’नावाचा चित्रपट ‘अल्ट्रा झक्कास मराठी ओटीटी’वर प्रदर्शित झाला. या चित्रपटात तिच्यासह अभिनेता संतोष जुवेकर मुख्य भूमिकेत झळकला आहे. याशिवाय प्रियदर्शिनी ‘महाराष्ट्राची हास्यजत्रा’ कार्यक्रमातही पाहायला मिळत आहे. आता ती लवकरच ‘चिकी चिकी बुबूम बूम’ चित्रपटातूनही प्रेक्षकांच्या भेटीला येणार आहे.
