शनिवार, 17 ऑक्टोबर 2026
Hemant Dhome Appreciated Sachin Khedekar Marathi Play Bhumika
मराठीपासून हिंदी आणि दाक्षिणात्य चित्रपटांमध्ये आपल्या अभिनयाचा अमीट ठसा उमटवणारे सचिन खेडेकर तब्बल २१ वर्षांनी पुन्हा मराठी व्यावसायिक रंगभूमीकडे वळले आहेत. त्यांच्या ह्या नाटकाचं नाव, ‘भूमिका’ असं असून सध्या ह्या नाटकाची जोरदार चर्चा होताना दिसत आहे. या नाटकाचं दिग्दर्शन चंद्रकांत कुलकर्णी यांनी केलं असून लेखन क्षितीज पटवर्धन यांनी केलेलं आहे. सध्या या नाटकाचं कौतुक केलं जात आहे. अभिनेता आणि दिग्दर्शक हेमंत ढोमेने सचिन खेडेकरांचं ‘भूमिका’ नाटक पाहिलं. त्याने नाटक पाहिल्यानंतर ‘भूमिका’ नाटकाविषयी खास पोस्ट शेअर केलेली आहे.
View this post on Instagram
सचिन खेडेकर यांच्या ‘भूमिका’ नाटकाविषयी हेमंत ढोमेनं पोस्टर शेअर करत लिहिलेय की, “Ours is a battle, not for wealth nor for power. Ours is a battle for freedom, for reclamation of human personality! – Babasaheb Ambedkar… हा विचार खूप मोठा आहे आणि एका महामानवाने तो रुजावा यासाठी आपलं संपूर्ण आयुष्य वेचलं! इतरांसाठी, समाजासाठी आयुष्य वेचणारे आता घडत नाहीत हे तर खरं आहेच. पण, या विचारांची खुंटी बळकट करणारे देखील खूप कमी आढळतात… पण, पण, पण (हे म्हणताना मन अक्षरशः नाचतंय)
आजच्या या कठीण काळात जिथं माणूस स्वार्थी होत चाललाय, विचारांची बैठकच हरवून बसलाय त्या काळात रखरखीत उन्हात विचारांच्या सावलीचा आल्हाददायक गारवा देणारं एक भक्कम सशक्त नाटक तुम्हा आम्हा सगळ्यांच्या भेटीला आलंय…
डोळ्यात पाणी आणून आपल्याला जागं करणारं, विचार करायला भाग पाडणारं हे नाटक आपल्या जवळच्या माणसाने लिहिलं आहे, याहून जास्त अभिमानाची गोष्ट नाही! क्षितिज पटवर्धन या माझ्या अत्यंत हुशार लेखकाचं हे नाटक चुकवायचं नाही म्हणजे ते चुकवून चालणारंच नाही!
भंपक, सपक, गोडी गुलाबी वगैरे असल्या मनोरंजनाच्या मागे धावणाऱ्या या काळात हे नाटक भारतीय रंगभूमीवरचा मैलाचा दगड ठरणार यात तिळमात्रही शंका नाही!
डावं-उजवं-मधलं असं कुठलंही न राहता (तारेवरची अवघड कसरत करत) माणसाचं माणूसपण महत्त्वाचं हे पुन्हा एकदा अधोरेखित केल्याबद्दल क्षितिज आणि चंदू सरांसह संपूर्ण टीमचे मनःपूर्वक आभार! क्या बात है क्षितिज मित्रा… असाच लिहीत रहा… आता जबाबदारी अत्यंत वाढलीय, आम्ही सगळे तुझ्याकडे आशेने पाहतोय… आता थांबायचं नाही! जी साथ लागेल ती कायम देत राहणार!
या सगळ्यात एक अत्यंत महत्त्वाचा जादूई नट, होय जादूईच! या नाटकात आहे जो हा सारा विचार आपल्या कानांना सुखावह करत थेट काळजात पोहोचवतो तो म्हणजे सचिन खेडेकर! आमच्या आवाक्याबाहेरचा आवाका आहे या नटाचा… speechless! लाजवाब अभिनय… लाजवाबच! मंडळी हा अभिनय तर कृपया चुकवू नका! कळकळीची विनंती आहे!
आजच्या काळात ‘भूमिका’ घेणारं चंद्रकात कुलकर्णी दिग्दर्शित हे नाटक कृपया लवकरात लवकर बघा!
या नाटकाच्या मागे भक्कपणे उभ्या असलेल्या निर्मात्यांचं विषेश कौतुक आणि आदर आणि संपूर्ण टीमचे खूप खूप अभिनंदन!
Proud… Proud… Proud!!!
अभिनेत्री शर्मिष्ठा राऊतने दिला गोंडस मुलीला जन्म, लग्नाच्या साडेचार वर्षांनंतर दिली गोड बातमी
