दहशतवादी हल्ल्यानंतर काश्मीरचे काय झाले? अभिनेता अतुल कुलकर्णी पोहचला पहलगाम; लोकांना दिले विशेष आवाहन!

पहलगाममधील दहशतवादी हल्ल्यानंतर मराठी अभिनेता अतुल कुलकर्णी काश्मीरमध्ये पोहोचला आहे. त्याने फ्लाइटचा फोटो शेअर करून सर्वांना आश्चर्यचकित केले आणि चाहत्यांना एक मोठा संदेश दिला आहे.

काश्मीरमधील पहलगाम येथे झालेल्या दहशतवादी हल्ल्यानंतर भारतातील लोकांमध्ये संताप आहे. दुसरीकडे, पृथ्वीवरील स्वर्ग म्हटल्या जाणाऱ्या या जागेबद्दल लोकांच्या मनात भीती निर्माण झाली आहे. आता लोक काश्मीरला जाण्यास कचरत आहेत आणि जी विमाने भरलेली होती ती आता रिकामी दिसत आहेत. या हल्ल्याने सर्वांनाच हादरवून टाकले आहे. दरम्यान, प्रसिद्ध अभिनेते अतुल कुलकर्णी निर्भयपणे काश्मीरमध्ये पोहोचले आहेत. पहलगामला गेल्यानंतर अतुलने केवळ फोटो शेअर केला नाही तर देशातील लोकांना एक खास विनंतीही केली आहे. अभिनेता आता नेमकं काय म्हणाला हे आपण जाणून घेणार आहोत.

Hansika Motwani Photos: हंसिका मोटवानीच्या कातील अदा; शेअर केला जबरदस्त लूक!

हल्ल्यानंतर अतुल कुलकर्णी पहलगाममध्ये पोहोचले
पहलगाममध्ये पोहोचल्यानंतरचा फोटो शेअर करताना अतुल कुलकर्णी यांनी लिहिले की, ‘ही भारताची संपत्ती आहे, भीतीपेक्षा धाडस मोठे आहे.’ ही भारताची संपत्ती आहे, जिथे द्वेषाला प्रेमाने पराभूत केले आहे. चला, काश्मीरला जाऊया, सिंधू आणि झेलमच्या काठावर जाऊया. मी आलो आहे, तुम्हीही या.’ असं लिहून अभिनेत्याने लोकांना आव्हान दिले आहे. अभिनेत्याने त्याच्या इंस्टाग्रामवर मुंबई ते श्रीनगरच्या फ्लाइटचा फोटोही शेअर केला आहे. हे विमान पूर्णपणे रिकामे दिसते आणि विमानात फक्त २-४ लोक बसलेले दिसत आहेत.

 

See more

हल्ल्यानंतर श्रीनगर विमानाची स्थिती दाखवण्यात आली
आता, रिकाम्या विमानाचा फोटो शेअर करताना, अतुल कुलकर्णी यांनी खुलासा केला की, विमान भरलेले असल्याची माहिती क्रूने दिली होती. अभिनेत्याने लिहिले, ‘आपल्याला ते पुन्हा भरावे लागेल.’ दहशतवादाचा पराभव करायलाच हवा.’ असं त्यांनी फोटोच्या कॅप्शनला लिहिले आहे. मीडियाला दिलेल्या मुलाखतीत अतुल कुलकर्णी यांनी दहशतवादी हल्ल्यानंतर पहलगामला येण्याचा उद्देशही सांगितला आहे. अभिनेता म्हणाला, ‘ही खूप दुःखद घटना आहे. मी विचार करत होतो की आपण काय करू शकतो? आपण फक्त सोशल मीडियावर लिहितो, पण मला वाटलं, तिथे जाऊन मी काय करू शकतो?’

‘फुले’ चित्रपटात महात्मा ज्योतिबा फुलेंची कास्टिंग कशी झाली ? अभिनेत्याने सांगितलं सर्व काही…

अतुल कुलकर्णी यांनी दहशतवाद्यांना पराभूत करण्याचा मार्ग सांगितला
अतुल कुलकर्णी म्हणाले, ‘मी वाचले आहे की काश्मीरसाठी ९०% बुकिंग रद्द करण्यात आली आहेत. तथापि, सध्या पीक सीझन आहे. आपल्याला काश्मिरीयत जशी आहे तशीच सांभाळावी लागेल. आपल्याला काश्मिरी लोकांची काळजी घ्यावी लागेल. गेल्या काही वर्षांत, लोक येथे मोठ्या संख्येने येत होते आणि जर आपण अचानक थांबलो तर विद्यमान संबंध थांबतील. मी कालच ठरवलं की मला इथे येऊन लोकांना हा संदेश द्यायचा आहे की जर आपल्याला दहशतवाद्यांनी जिंकायचं नसेल, तर दहशतवाद्यांनी आपल्याला दिलेला ‘इथे येऊ नका’ या संदेशच उत्तर, आपल्याला ‘ओ नाही भाऊ, आम्ही तर इथे येणार’. असा देयायला हवा. हे आमचे काश्मीर आहे. आम्ही मोठ्या संख्येने येऊ.’ असं अभिनेता म्हणाला आहे. अभिनेत्याने लोकांना धीर दिला आहे आणि म्हटले आहे की त्यांनी त्यांच्या मनात असलेली कोणतीही भीती बाजूला ठेवून काश्मीरमध्ये यावे.