शनिवार, 17 ऑक्टोबर 2026
मुंबई – शाहरुख खानचा चित्रपट ‘पठाण’ चांगली कमाई करतोय, तब्बल ४ वर्षांनंतर कमबॅक करणारा किंग खान पुन्हा एकदा या चित्रपटाद्वारे प्रेक्षकांमध्ये आपली छाप सोडण्यात यशस्वी ठरलाय. चित्रपटाच्या यशाने बॉक्स ऑफिसवर झेंडा रोवला आहे. देशातील ४ दिवसांचे बॉक्स ऑफिस कलेक्शन सुमारे २०० कोटी रुपये आहे, तर जगभरातील एकूण कलेक्शन ४०० कोटी रुपयांवर पोहोचले आहे. अशात अभिनेत्री नेहा धुपियाचं एक जुनं ट्विट सोशल मीडियावर नव्याने व्हायरल होत आहे. ‘एकतर सेक्स विकतो किंवा शाहरूख खान,’ असं नेहा धुपियाने या ट्विटमध्ये म्हटलंय.
2004 मध्ये केलं होतं ट्वीट
2004 मध्ये अभिनेत्री नेहा धुपियाने तिच्या ‘जुली’ या चित्रपटात केलेल्या इंटीमेट सीन्सबाबत तिला प्रश्न विचारण्यात आले होते. त्यावर उत्तर देताना 19 वर्षांपूर्वी तिनं हे वक्तव्य केलं होतं. या चित्रपटात तिने सेक्स वर्करची भूमिका साकारली होती. नेहा धुपिया ही नुकतीच ‘पठाण’ चित्रपट पाहण्यास गेली होती. त्यानंतर तिचं हे जुनं ट्विट सोशल मीडियावर वाऱ्यासारखं पसरू लागलंय. एका यूजरने ट्विटरवर नेहाला टॅग करत म्हटलंय की, “दोन दशकांपूर्वी नेहाने सांगितलं होतं की, पडद्यावर एकतर सेक्स विकतो किंवा मग शाहरूख खान…हे वक्तव्य आजही खरं ठरतंय…”
19 वर्षांनंतरही माझं हे वक्तव्य खरं ठरतंय
यूजरच्या या ट्विटला अभिनेत्री नेहा धुपियाने रिल्पाय देखील दिलाय. यात तिने म्हटलंय की, आज 19 वर्षांनंतरही माझं हे वक्तव्य खरं ठरतंय. हे एका अभिनेत्याचं करिअर नव्हे तर एका राजाचं साम्राज्य आहे.”
