शनिवार, 17 ऑक्टोबर 2026
जर तुम्हाला निरोगी आयुष्य हवे असेल तर प्रथिनांचे सेवन करणे खूप गरजेचे आहे. आपल्या शरीराला निरोगी ठेवण्यासाठी प्रथिने अत्यंत आवश्यक असतात. सामान्यतः लोकांचा असा विश्वास आहे की प्रथिने फक्त मांसाहारी अन्नातच मिळतात, पण ते तसे अजिबात नाही. शाकाहारात प्रथिने नसतात हा समज सर्वसामान्यांच्या मनात पूर्णपणे चुकीचा बसला आहे. त्यामुळे आज आम्ही तुम्हाला काही पदार्थांबद्दल सांगत आहोत ज्यामध्ये भरपूर प्रोटीन असतात. काही शाकाहारी पदार्थ जे तुम्ही आहारात समाविष्ट करून घेतला पाहिजे (फोटो सौजन्य - iStock)
प्रोटीन हे फक्त मांसाहारी पदार्थांमधून मिळते असं अजिबात नाही. काही शाकाहारी पदार्थांमधून तुम्हाला मांसाहारी पदार्थांपेक्षा अधिक प्रमाणात प्रोटीन मिळते. याबाबत अधिक माहिती आपण घेऊया
कडधान्ये भारतीय स्वयंपाकघरातील महत्त्वाचा भाग मानली जातात. त्यामध्ये प्रथिने चांगल्या प्रमाणात आढळतात. मटार, मसूर, मूग आणि उडीद डाळ याशिवाय राजमामध्येही भरपूर प्रथिने आढळतात
सुका मेवा आणि बियांमध्येही भरपूर प्रथिने असतात. बदाम, अक्रोड, चिया सीड्स आणि भोपळ्याच्या बियांमध्ये प्रथिने मुबलक प्रमाणात आढळतात
दूध आणि दुग्धजन्य पदार्थ जसे दही, चीज आणि ताक यातदेखील भरपूर प्रथिने असतात. याशिवाय यामध्ये कॅल्शियमदेखील असते
शाकाहारी अन्नामध्ये सोयाबीनला प्रोटीन किंग म्हटले जाते. टोफू आणि सोया चंक्ससारखी सोया उत्पादने शाकाहारी लोकांसाठी प्रथिनांचा उत्कृष्ट स्रोत आहेत. लोक सोया हे भाजी, कोशिंबीर किंवा स्नॅक्स म्हणून खातात
क्विनोआ, ओट्स आणि तपकिरी तांदूळ यांसारख्या धान्यांमध्येही प्रथिने भरपूर प्रमाणात असतात. लोक हे धान्य प्रामुख्याने नाश्ता म्हणून वापरतात
