तुम्हाला कर्ज घ्यायचे आहे का? ‘या’ बँकांनी कर्जांवरील व्याजदर केला कमी, जाणून घ्या

६ जून रोजी रिझर्व्ह बँकेने एक मोठा निर्णय घेतला आणि रेपो दर ५० बेसिस पॉइंट्सने कमी केला, त्यानंतर रेपो दर आता ५.५० टक्क्यांवर आला आहे.आरबीआयने रेपो दरात केलेल्या या कपातीनंतर, आता देशातील विविध बँका त्यांच्या कर्जांचे व्याजदर कमी करत आहेत.

पीएनबी कर्जाच्या व्याजदरात कपात: आरबीआयने रेपो दरात कपात केल्यानंतर पीएनबीने आपल्या कर्जांवरील व्याजदर कमी केले आहेत. पीएनबीने सांगितले की बँकेने त्यांचे रेपो लिंक्ड लेंडिंग रेट (आरएलएलआर) कमी केले आहेत, त्यानंतर हे दर ८.८५ टक्क्यांवरून ८.३५ टक्क्यांवर आले आहेत. त्याच वेळी, बँकेने त्यांच्या एमसीएलआरमध्ये कोणताही बदल केलेला नाही. हे नवीन दर ९ जून २०२५ पासून लागू होतील.

बँक ऑफ इंडियानेही कपात केली: बँक ऑफ इंडियानेही त्यांचा आरबीएलआर कमी केला आहे, त्यानंतर दर ८.८५ टक्क्यांवरून ८.३५ टक्क्यांवर आले आहेत.

इंडियन बँकेनेही कर्जाचे व्याजदर कमी केले: इंडियन बँकेने त्यांचे रेपो लिंक्ड बेंचमार्क लँडिंग दर देखील कमी केले आहेत, त्यानंतर नवीन दर ८.७ टक्क्यांवरून ८.२ टक्क्यांवर आले आहेत. हे नवीन दर ९ जून २०२५ पासून लागू आहेत.

करूर वैश्य बँक: यापूर्वी, करूर वैश्य बँकेने शुक्रवारी एमसीएलआर म्हणजेच मार्जिनल कॉस्ट ऑफ फंड्स बेस्ड लँडिंग रेटमध्ये कपात करण्याची घोषणा केली. बँकेने दिलेल्या माहितीनुसार, ६ महिन्यांचा एमसीएलआर आणि १२ महिन्यांचा एमसीएलआर कमी करण्यात आला आहे.