Father’s Day 2025: तू बाप हो मग समजेल ! तुम्हीही ऐकले असतील वडिलांचे ‘हे’ कॉमन वाक्य

बापाला नको शिकवू: तुमच्या सुद्धा कानावर हे वाक्य अनेकदा पडले असेल. जेव्हा कधी मुलगा आपल्या वडिलांना ठाऊक नसलेल्या गोष्टी सांगायला जातो तेव्हा ते नक्कीच म्हणतात," बापाला नको शिकवतोस?"

तू बाप होशील तेव्हा समजेल: अनेकदा जेव्हा वडिल आपल्या काळजीपोटी काही गोष्टी सांगतात आणि आपण त्याकडे दुर्लक्ष करतो, तेव्हा वडील आपल्याला म्हणतात, "तू बाप हो मग समजेल."

पैशाची किंमत समजा: अनेकदा मुलं नको तिथे पैसे खर्च करताना दिसतात. अशावेळी वडील त्यांना सांगतात पैशाचा योग्य उपयोग आणि बचत शिका !

आमच्या काळात खऱ्या परीक्षा होत होत्या: अनेकदा दहावी आणि बारावीचा निकाल व अभ्यासक्रम पाहिल्यावर वडिलांची एकच रिअ‍ॅक्शन असते ती म्हणजे अरे आमच्या काळात खऱ्या आणि कठीण परीक्षा होत होत्या.

बाप आहे तुझा: अनेकदा जेव्हा आपल्या नकळत काही गोष्टी वडिलांना कळतात तेव्हा आपण त्यांना विचारतो की तुम्हाला हे कसे समजले? अशावेळी वडील आपलं ठरलेला वाक्य बोलतात,"बाप आहे तुझा'.