फुलराणी अडकली विवाह बंधनात; उदयपूर येथे पार पडला शाही लग्न सोहळा

उदयपूरच्या सुंदर निसर्गरम्य वातावरणात आणि जवळच्या काही माणसांच्या उपस्थितीत PV सिंधू आणि वेंकट दत्त साईने विवाह सोहळा उरकून घेतला आहे.

PV सिंधूने आजच तिच्या लग्नाचे काही क्षण तिच्या सर्व सोशल मीडियाच्या हॅन्डलवर शेअर केले आहेत. तसेच देशवासियांना आनंदाची बातमी दिली आहे.

शेअर केलेल्या फोटोंमध्ये PV सिंधू पारंपारिक वेशामध्ये दिसत असून अगदी पारंपारिक पद्धतीने लग्न सोहळा पार पडत आहे. लग्नात फारशी गर्दी नसून अगदी काही लोकांमध्ये हा विशेष सोहळा पार पडला आहे.

पोस्टखाली कॉमेंट्समध्ये नेटकऱ्यांनी शुभेच्छांचा वर्षाव केला आहे. तसेच विविध क्षेत्रातील अनेक दिग्गजांनी नवं वधू वरास भरभरून आशीर्वाद दिले आहेत.

शेअर केलेल्या छायाचित्रांमध्ये होणारा अक्षदांचा वर्षाव आणि सर्वाच्या चेहऱ्यावरील आनंद त्या क्षणामध्ये असणाऱ्या उत्साहाची जाणीव करून देत आहेत.