शनिवार, 17 ऑक्टोबर 2026
भाजप आमदार प्रकाश भारसाकळे कोरोना उपचारामध्ये त्यांना मारण्याचा प्रयत्न केल्याचा दावा केला (फोटो - सोशल मीडिया)
कोरोना काळात उपचारांमध्ये दिरंगाई करत मारण्याचा डाव असल्याचा धक्कादायक दावा आमदार प्रकाश भारसाकळे यांनी केल्याने नवीन वादाला तोंड फुटले आहे. अकोल्यात झालेल्या उपचारांमध्ये घातपाताचा संशय भाजप आमदार प्रकाश भारसाकळे यांनी व्यक्त केला आहे. काही राजकीय आणि पक्षांतर्गत विरोधकांनी आपण मरावे यासाठी वाट पाहिली होती, असा खळबळजनक आरोप त्यांनी केला आहे. अकोट येथील एका जाहीर प्रचारसभेत बोलताना भारसाकळे यांनी हा गौप्यस्फोट केला. त्यामुळे अकोल्यामध्ये राजकीय वाद निर्माण झाला आहे.
महायुतीमध्ये 2 नंबर कोण? रवींद्र चव्हाण म्हणाले “त्याला काहीच किंमत नाही”; शिंदेंना लगावला टोला?
भाषणामध्ये आमदार प्रकाश भारसाकळे यांनी कोरोना काळातील आठवणी सांगितल्या. यावेळी या गंभीर परिस्थितीतून बाहेर पडावे यासाठी काही लोकांनी, विशेषतः राजकीय आणि पक्षांतर्गत विरोधकांनी आपण मरावे अशी इच्छा बाळगली होती. परंतु, केवळ जनतेच्या आशीर्वादाच्या बळावरच आपण या संकटातून सुखरूप बाहेर पडू शकलो, असे सांगत त्यांनी कृतज्ञता व्यक्त केली. त्याचबरोबर अनेकांनी डाव करण्याचा प्रयत्न केला असल्याचे सांगितले.
आमदार प्रकाश भारसाकळे म्हणाले की, पत्नी सातत्याने मला अकोल्यात योग्य उपचार होत नाहीत. त्यामुळे आपण तातडीने नागपूरला शिफ्ट व्हावे असा सल्ला देत होती. मात्र, येथील जनतेचे प्रेम आणि आशीर्वाद माझ्यासोबत असल्याने मी येथेच उपचार घेतले आणि बरा झालो, असा दावा भाजप आमदार प्रकाश भारसाकळे यांनी केला आहे.
नगरपरिषद-नगरपंचायती निवडणुकीच्या प्रचाराला उरला फक्त एकच दिवस; रविवार ठरणार ‘सुपर संडे’
प्रचाराचा सुपर संडे
यंदा निवडणूक आयोगाने कमी दिवस मिळाल्याने प्रचारात एक दिवसाची मुदतवाढ दिल्याने प्रत्यक्ष मतदानाचा एक दिवसाआधीपर्यंत प्रचार करता येईल. मात्र, सर्वाधिक लक्ष रविवार या सुटीचा दिवशी असून, खऱ्या अर्थात सर्वच उमेदवारांसाठी तो ‘सुपर संडे’ असणार आहे. रविवार हा सुट्टीचा दिवस असल्याने सबंध जिल्ह्यात प्रचाराचा अक्षरक्षः धूमधडाका असेल. सर्वत्र सकाळपासूनच सभा, रॅली, कॉर्नर बैठकांची गदीं असेल. जिल्ह्यातील एकूण २७ ठिकाणी गेल्या काही दिवसांपासून प्रचाराची धूम सुरू आहे. ५४६ नगरसेवकांना या सर्व नगरपंचायत व नगरपालिकांमधून निवडून द्यायचे आहेत.
