गुरुवार, 27 ऑगस्ट 2026
पुणे महापालिकेत भाजप-राष्ट्रवादीत 'लेटर वॉर'चा भडका; सत्ताधाऱ्यांनी विरोधकांना ताटकळत ठेवल्याने राजकारण तापलं
सत्ताधारी भाजपने सुरुवातीला त्यांच्या नगरसेवकांनी मांडलेले सर्व वर्गीकरणाचे प्रस्ताव मंजुर करून घेतले. हे मंजुर करुन घेताना क्रमांकानुसार न मांडता, विरोधी पक्षातील नगरसेवकांचे प्रस्ताव उशीरा मांडून मंजुर केले. त्या दरम्यान, विरोधी पक्षातील नगरसेवकांकडूनही आमचे प्रस्ताव घ्या, क्रमांकानुसार प्रस्तावांना मान्यता द्या अशी मागणी केली जात होती. परंतु, सत्ताधारी भाजपकडून मंजुर करू असे आश्वासन दिले गेले. हे मंजूर करताना सत्ताधारी भाजप आणि राष्ट्रवादी काँग्रेस (अजित पवार गट) यांच्यातील राजकीय संघर्ष दिसून आला.
प्रस्तावांना मंजुरी देताना सभागृह नेते गणेश बिडकर यांनी गेल्या काही दिवसांपासून सुरू असलेल्या ‘लेटर वॉर’, आरोप- प्रत्यारोपांचा समाचार घेत राष्ट्रवादीच्या नेत्यांना आणि शहराध्यक्षांना टोमणे मारत आरोपांना उत्तर देण्याचा प्रयत्न केला गेला. मंत्री चंद्रकांत पाटील यांच्या निधीतून झालेल्या कामाची चौकशी करण्याची मागणी राष्ट्रवादी काँग्रेसचे नगरसेवक अमोल बालवडकर यांनी केली होती, त्याला नगरसेवक सुहास टिंगरे यांनी अनुमोदन दिले होते. तेव्हापासून हा संघर्ष निर्माण झाला असुन, सत्ताधारी भाजपने या दोन्ही नगरसेवकांनी सुचविलेल्या कामाची तरतुद शुन्य केली. यातून पुढे ‘लेटर वॉर’ सुरु झाले आहे. दोन्ही पक्षातील नगरसेवकांनी एकमेकांच्या पक्षाच्या प्रमुख नेत्यांना पत्र पाठविले आहे. हा संघर्ष सर्वसाधारण सभेतही दिसून आला.
सभेचे कामकाज सुरू होताव सत्ताधारी भाजपाने आपल्या नगरसेवकांच्या प्रस्तावांना प्राधान्य देत ते मंजूर करण्यास सुरुवात केली. विरोधी पक्षांच्या प्रस्तावांचा क्रमांक मागे पडत असल्याचे लक्षात येताच राष्ट्रवादी काँग्रेसच्या नगरसेवकांमध्ये अस्वस्थता निर्माण झाली. आपले प्रस्ताव मंजूर होणार की आणखी ताटकळत राहणार, याबाबत काही नगरसेवकांनी सभागृह नेत्यांच्या बाकाकडे धाव घेतली.
Aai Tuljabhavani: तुळजाई भावाला देणार जगातली सर्वात मौल्यवान भेट, रक्षाबंधन स्पेशल
सर्वसाधारण सभेचे कामकाज संपत आल्यानंतर राष्ट्रवादी काँग्रेसच्या नगरसेवकांचे निधीविषयक प्रस्ताव मंजीसाठी आले. त्यावेळी बिडकरांनी राजकीय टोलेबाजीला सुरुवात केली. ‘आम्ही अजिबात भेदभाव करत नाही, सर्वांना समान न्याय देतो,’ असे मिश्कीलपणे सांगत त्यांनी विरोधी पक्षनेते अॅड. निलेश निकम यांच्याकडे पाहून, ‘सांगा तुमच्या शहराध्यक्षांना… सांगा तुमच्या वरिष्ठ नेत्यांना, अशी कोपरखळी मारली.
