गुरुवार, 15 ऑक्टोबर 2026
फोटो सौजन्य- pinterest
गुरुवार, १५ ऑक्टोबर रोजी नवरात्रीचा पाचवा दिवस आहे. पाचव्या दिवशी स्कंदमातेची पूजा केली जाते. नवदुर्गांमध्ये हे पाचवे रुप आह. स्कंदमाता या भगवान कार्तिकेय अर्थात स्कंद यांच्या माता आहे. त्यांच्या मांडीवर बाल स्कंद विराजमान असल्याचे स्वरुप देवीच्या मूर्तीमध्ये पाहायला मिळतं. त्यामुळे हे मातृत्व, प्रेम वात्सल्य आणि संरक्षणाचं प्रतीक मानलं जातं.
यंदा पाचव्या दिवशी पिवळा रंग आहे. पिवळा रंग हा आनंद, सकारात्मकता, ज्ञान, समृद्धी आणि उत्साहाचा प्रतीक मानला जातो. त्यामुळे या दिवशी पिवळ्या रंगांचे कपडे परिधान करून देवीची पूजा करावी. पूजेमध्ये पिवळी फुल किंवा पूजेसंबंधित पिवळ्या रंगांच्या संबंधित वस्तूंचा वापर करावा.
स्कंद मातेला केळीचा नैवेद्य अर्पण करण्याची परंपरा अनेक ठिकाणी आढळते. याशिवाय खीर, पंचामृत, हळद, गोड पदार्थ आणि परंपरेनुसार सात्विक पदार्थ नैवेद्य म्हणून ठेवतात. सकाळी स्नान करून स्वच्छ वस्त्र परिधान करावेत. देवीसमोर दिवा लावून पिवळी फुल, अक्षता, नैवेद्य अर्पण करावा. त्यानंतर स्कंदमातेची आरती आणि नामस्मरण करावं. या दिवशी ओम देवी स्कंदमातेय नमः या मंत्रांचा जप करावा.
देवीच्या पूजेसोबत आपल्या मुलांच्या आरोग्यासाठी, सुखासाठी आणि कुटुंबाच्या कल्याणासाठी प्रार्थना करावी. असं म्हणतात की, स्कंदमातेची भक्तीभावाने पूजा केल्यामुळे शांती, सुख, सकारात्मकता आणि मातृकृपा प्राप्त होते. नवरात्रीचा पाचवा दिवस त्यामुळे विशेषतः मातृत्व आणि प्रेमशक्तीचा स्मरण करण्याचा दिवस मानला जातो.
Navratri 2026: अष्टमीला देवीची ओटी भरण्याची योग्य पद्धत कोणती? जाणून घ्या धार्मिक महत्त्व
नवदुर्गांमध्ये देवी स्कंदमाता हे पाचवे रूप आहे. भगवान कार्तिकेय यांना स्कंद या नावानेही ओळखले जाते. स्कंदमाता ही त्यांची माता असल्यामुळे देवीला हे नाव प्राप्त झाले, अशी धार्मिक मान्यता आहे. देवीच्या मूर्तीमध्ये बाल स्कंद तिच्या मांडीवर विराजमान असल्याचे चित्रण पाहायला मिळते. देवी कमळावर विराजमान असल्यामुळे तिला पद्मासना असेही म्हटले जाते.
स्कंदमातेचे स्वरूप मातेच्या प्रेमाची आणि आपल्या अपत्याचे रक्षण करण्याच्या शक्तीची आठवण करून देते. त्यामुळे या दिवशी विशेषतः मुलांच्या आरोग्यासाठी, सुखासाठी आणि कुटुंबाच्या कल्याणासाठी प्रार्थना केली जाते. धार्मिक मान्यतेनुसार, देवीची भक्तिभावाने पूजा केल्याने मनाला शांती आणि सकारात्मकतेची प्रेरणा मिळते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: नवरात्रीचा पाचवा दिवस देवी दुर्गेच्या पाचव्या स्वरूपाला, म्हणजेच स्कंदमातेला समर्पित असतो. या दिवशी देवीची भक्तिभावाने पूजा केली जाते.
Ans: स्कंदमाता ही भगवान कार्तिकेय अर्थात स्कंद यांची माता आहे. देवीच्या मांडीवर बालस्वरूपातील स्कंद विराजमान असल्याचे चित्रण केले जाते.
Ans: स्कंदमाता देवीला केळी, खीर, दूध आणि सात्त्विक गोड पदार्थांचा नैवेद्य दाखवला जातो. मात्र, नैवेद्याच्या परंपरा कुटुंबानुसार वेगवेगळ्या असू शकतात.
