सोमवती अमावस्या मुहूर्त आणि महत्त्व
यंदा सोमवती अमावस्या 30 डिसेंबरला आहे ज्याला पौष अमावस्या असंही म्हटलं जातं. ही 2024 सालची शेवटची अमावस्यादेखील आहे. सोमवती अमावस्येला भगवान शिव आणि माता पार्वतीची पूजा केली जाते. या दिवशी पवित्र नद्यांमध्ये स्नान केल्यानंतर काहीतरी दान करण्याची परंपरा आहे, यामुळे अक्षय पुण्य प्राप्त होते असा समज आहे. पितरांसाठी तर्पण, श्राद्ध, पिंड दान इ. पण सोमवती अमावस्येच्या दिवशी दिवा लावण्याचे खूप महत्त्व आहे.
हा दिवा लावल्याने देवांचा आशीर्वाद मिळतो आणि पितरांनाही प्रसन्नता मिळते, ज्यामुळे कुटुंबात सुख-समृद्धी वाढते. पुरी येथील केंद्रीय संस्कृत विद्यापीठाचे ज्योतिषी डॉ. गणेश मिश्रा यांच्याकडून जाणून घेऊया, सोमवती अमावस्येला कोणत्या 5 ठिकाणी दिवे लावावेत? दिवा लावण्याचा शुभ काळ कोणता? (फोटो सौजन्य – Pinterest)
मुख्य दरवाजाबाहेर
सोमवती अमावस्येच्या दिवशी घराच्या मुख्य प्रवेशद्वाराबाहेर देवी लक्ष्मीसाठी तुपाचा दिवा लावा. जर तुमच्याकडे तूप नसेल तर मोहरी किंवा तिळाच्या तेलाचा दिवा लावा. दिव्याच्या ठिकाणी पाण्याचे भांडे ठेवा आणि मुख्य दरवाजा उघडा ठेवा. असे केल्याने देवी लक्ष्मी प्रसन्न होऊन तुमच्या घरी येईल. दिवा आणि पाण्याने नकारात्मकता दूर होईल. सूर्यास्तानंतर अंधार पडू लागल्यावर हा दिवा लावावा असा सल्ला ज्योतिषाचार्यांनी दिला आहे.
सोमवती अमावास्येला पितृदोषापासून मुक्ती मिळण्यासाठी काय दान करावे
घराच्या बाहेर दक्षिण दिशेला
सोमवती अमावस्येनिमित्त घराबाहेर दक्षिण दिशेला आपल्या पूर्वजांसाठी मोहरीच्या तेलाचा दिवा लावा. धार्मिक मान्यतेनुसार, जेव्हा पूर्वज अमावस्येच्या संध्याकाळी आपल्या जगात परत येतात, तेव्हा त्यांच्या मार्गावर प्रकाश पडतो, यामुळे ते प्रसन्न होतात आणि आशीर्वाद देतात.
पूर्वजांच्या फोटोजवळ
अमावस्येच्या दिवशी पूर्वज पृथ्वीवर येतात आणि आपल्या वंशजांकडून तर्पण, पिंडदान इत्यादींची अपेक्षा करतात असे ज्योतिषशास्त्रात मानले जाते. हे सर्व सोमवती अमवास्येला केले तर खूप चांगले ठरते. याशिवाय जिथे तुमच्या पूर्वजांची चित्रे ठेवली आहेत अशा घराच्या दक्षिण दिशेला दिवा लावा. मोहरी किंवा तिळाच्या तेलानेही हा दिवा लावू शकता
पिंपळाच्या झाडाजवळ
पिंपळाच्या झाडामध्ये देवीदेवता आणि पूर्वज यांचा वास असतो असं म्हणतात. अशा स्थितीत सोमवती अमावस्येला पिंपळाच्या झाडाखाली मोहरीच्या तेलाचा दिवा लावावा. आपली इच्छा असल्यास, आपण देवतांसाठी तिळाच्या तेलाचा दिवा आणि पितरांसाठी मोहरीच्या तेलाचा दिवा लावू शकता. असे केल्याने तुमची दुःख दूर होतील आणि तुम्हाला देवांची कृपा मिळेल.
घराच्या ईशान्य दिशेला
सोमवती अमावस्येच्या दिवशी घराच्या ईशान्य दिशेच्या कोपऱ्यात तुपाचा दिवा लावा. मान्यतेनुसार या दिशेला देवांचा वास असतो. तुमचे घर धन आणि धान्याने भरले जाईल. लक्ष्मी देवीचा आशीर्वाद तुम्हाला प्राप्त होईल आणि कधीही पैशाची चणचण भासणार नाही.
सोमवती अमावस्या मुहूर्त
सोमवती अमावस्येच्या दिवशी सूर्यास्तानंतर प्रदोष काळात हा दिवा लावावा. दिवा अंधार दूर करतो आणि सकारात्मकता पसरवतो. सोमवती अमावस्येला सूर्यास्त संध्याकाळी 5.34 वाजता होईल. सूर्यास्तानंतर प्रदोष कालावधी सुरू होतो. या वेळेपासून सोमवती अमावस्येला दिवा लावू शकता असा सल्ला ज्योतिषाचार्यांनी दिला आहे
.png "Videos"){kind=small}
