शनिवार, 17 ऑक्टोबर 2026
फोटो सौजन्य- pinterest
बेडरूम घराचा महत्त्वपूर्ण भाग मानला जातो. कारण ही तीच जागा आहे या ठिकाणी व्यक्तीला आराम, शांतता आणि मानसिक शांती मिळते. वास्तुशास्त्रानुसार पती पत्नीची बेडरूम फक्त झोपायची जागा नाही तर प्रेम आणि मानसिक शांती देखील मिळते. मात्र बेडरूममध्ये ठेवलेल्या काही गोष्टींमुळे तुमच्या नात्यात दुरावा येऊ शकतो. काही अशा वस्तू आहेत ज्या बेडरूमध्ये ठेवल्याने घरात नकारात्मक ऊर्जा येऊ शकते. ज्याचा प्रभाव व्यक्तीच्या नात्यावर पडू शकतो. बेडरूमध्ये कोणत्या गोष्टी ठेवणे अशुभ आहे जाणून घ्या
बरेच लोक बेडच्या समोर आरसा लावतात किंवा ठेवतात. वास्तुशास्त्रानुसार बेडच्या समोर आरसा लावणे अशुभ मानले जाते. झोपताना पती पत्नीचे प्रतिबिंब आरशामध्ये दिसू नये. असे म्हटले जाते की, यामुळे वैवाहिक जीवनात समस्या येऊ शकतात. जर आरसा हलवणे शक्य नसल्यास तो झाकून ठेवा.
बेडरूममध्ये चुकूनही काटेधार रोप ठेवू नका. वास्तुशास्त्रानुसार बेडरूममध्ये काटेधार रोप ठेवल्याने पती पत्नीच्या नात्यामध्ये तणाव येतो. वैवाहिक जीवनात अडचणी येऊ शकतात.
बेडरूममध्ये देव्हारा किंवा देवी देवतांच्या प्रतिमा लावू नये. वास्तुशास्त्रानुसार असे करणे योग्य मानले जात नाही. बेडरूममध्ये देवाच्या मूर्ती ठेवल्याने वैवाहिक जीवनात काही समस्या उद्भवू शकतात.
बेडरूममध्ये टीव्ही, लॅपटॉप आणि भरपूर मोबाईल फोन ठेवू नये. वास्तुशास्त्रानुसार या वस्तू बेडरूममध्ये ठेवल्यास राहू ग्रहाचा प्रभाव वाढू शकतो. या वस्तूंमुळे नकारात्मक प्रभाव बाहेर येते. यामुळे झोपेची समस्या आणि मानसिक शांतीच्या समस्या उद्भवतात.
बेडरूममध्ये कधीही ताजमहाल किंवा इतर प्रकारचे छायाचित्र लावू नये. याशिवाय बेडरूममध्ये पूर्वजांचे फोटो देखील लावू नये. यामुळे नकारात्मक प्रभाव पडू शकतो. भिंतीवर महाभारताचे युद्ध, जंगली जनावराची शिकार आणि रडणाऱ्या मुलांची प्रतिमा लावू नका. अशा प्रतिमा लावल्याने जोडीदारासोबत छोट्या छोट्या गोष्टींवरून वाद होऊ शकतात.
वाहणाऱ्या पाण्याचे फोटो, शो पीस किंवा कारंजा, बेडच्या खाली जुने सामान, बूट चप्पल, तुटलेली भांडी, फाटलेले जुने कपडे, बंद घड्याळ किंवा तुटलेल्या वस्तू बेडरूममध्ये ठेवू नये. या गोष्टी ठेवल्याने बेडरूममध्ये नकारात्मक ऊर्जा संचारू शकते.
(टीपः धर्म, ज्योतिष, वास्तु, फेंगशुई इत्यादी विषयांवरील लेख/बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे. आमचे उद्दिष्ट फक्त वाचकांना माहिती देणे आहे. Navarashtra या तथ्यांची पुष्टी करू शकत नाही.)
Ans: तुटलेल्या वस्तू, नकारात्मक चित्रे, जास्त इलेक्ट्रॉनिक उपकरणे आणि चुकीच्या ठिकाणी ठेवलेले आरसे टाळावेत.
Ans: स्वच्छता राखावी, हलक्या रंगांचा वापर करावा आणि सकारात्मक वातावरण ठेवावे.
Ans: योग्य वास्तू असल्यास घरात सौहार्द, प्रेम आणि समज वाढते, अशी श्रद्धा आहे.
