शुक्रवार, 16 ऑक्टोबर 2026
फोटो सौजन्य - सोशल मिडिया
टीम इंडियाचा स्फोटक सलामीवीर अभिषेक शर्मा सध्या सय्यद मुश्ताक अली ट्रॉफी २०२५ मध्ये धुमाकूळ घालत आहे. बंगालविरुद्ध सुरू असलेल्या सामन्यात त्याने १२ चेंडूत तुफानी अर्धशतक झळकावले आणि पुढील २० चेंडूत त्याचे शतकही पूर्ण केले. १२ चेंडूत अर्धशतक झळकावून अभिषेकने गुरु युवराज सिंगच्या विक्रमाची बरोबरी केली आहे. ३२ चेंडूत शतक झळकावून त्याने भारतासाठी टी-२० मध्ये सर्वात जलद शतक झळकावणाऱ्या फलंदाजांच्या यादीत ऋषभ पंतची बरोबरी केली आहे. या खेळीदरम्यान अभिषेकचा स्ट्राइक रेट ३०० च्या वर होता.
नाणेफेक जिंकून प्रथम फलंदाजी करण्याचा निर्णय घेणाऱ्या पंजाबने अभिषेक शर्मा आणि प्रभसिमरन सिंग यांच्यासह डावाची सुरुवात केली, ज्यांना युवराज सिंगचे मार्गदर्शन देखील आहे. या जोडीने बंगालच्या गोलंदाजांना उध्वस्त केले आणि पहिल्या १० षटकात एकही विकेट न गमावता १६३ धावा केल्या.
भारताकडून टी-२० मध्ये सर्वात जलद शतकांबद्दल बोलायचे झाले तर, अभिषेकने या धमाकेदार खेळीमुळे ऋषभ पंतसोबत दुसऱ्या क्रमांकावर पोहोचला आहे. भारताकडून टी-२० मध्ये सर्वात जलद शतकाचा विक्रम उर्विल पटेलच्या नावावर आहे, ज्याने गेल्या वर्षी याच स्पर्धेत त्रिपुराविरुद्ध २८ चेंडूत शतक ठोकले होते. उर्विल पटेलने या वर्षी सय्यद मुश्ताक अली ट्रॉफीमध्ये सर्व्हिसेसविरुद्ध ३१ चेंडूत शतक ठोकले होते.
Abhishek Sharma’s class in SMAT 🤯 A 32 ball century and he hasn’t stopped yet 🔥 📸: https://t.co/7oLVPwpdLq [Play With Fire | Syed Mushtaq Ali Trophy] pic.twitter.com/ZaoyrEy0jN — SunRisers Hyderabad (@SunRisers) November 30, 2025
उर्विल पटेल – २८
उर्विल पटेल – ३१
ऋषभ पंत – ३२
अभिषेक शर्मा – ३२
वैभव सूर्यवंशी – ३२
भारतासाठी टी२० मध्ये सर्वात जलद अर्धशतक ठोकण्याचा विक्रम आशुतोष शर्माच्या नावावर आहे. त्याने २०२३ मध्ये अरुणाचल प्रदेशविरुद्ध ११ चेंडूत अर्धशतक ठोकून युवराज सिंगचा विक्रम मोडला.
आशुतोष शर्मा – ११
युवराज सिंग – १२
अभिषेक शर्मा – १२
यशस्वी जयस्वाल – १३
अभिषेक शर्मा हा पुढील आंतरराष्ट्रिय सामना हा दक्षिण आफ्रिकेविरुद्ध खेळताना दिसणार आहे. त्याने झालेल्या आशिया कपमध्ये देखील चांगली कामगिरी केली होती त्याचबरोबर ऑस्ट्रेलिया दौऱ्यावर देखील त्याने त्याची कमाल दाखवली होती.
