Big blow to Indian football team: Aditi Chauhan bids farewell to football; End of a glorious 17-year career
Aditi Chauhan retires from football : भारतीय महिला फुटबॉल संघाला मोठा धक्का बसला आहे. संघाची स्टार खेळाडू आणि युरोपमधील पहिली भारतीय महिला खेळाडू, अदिती चौहानने फुटबॉलला अलविदा म्हटले आहे. तिने तिच्या १७ वर्षांच्या कारकिर्दीला थांबा दिला आहे. अदितीने सोशल मीडियावर तिच्या निवृत्तीची घोषणा केली.तिने म्हटले आहे कि, आता तिला मैदानाबाहेर काम करायचे आहे.
गुरुवारी सोशल मीडियावर निवृत्ती जाहीर करताना, ३२ वर्षीय अदिती म्हणाली की तिला आता मैदानाबाहेरून खेळ पुढे नेण्यासाठी काम करायचे आहे. १७ वर्षांच्या दीर्घ आणि प्रेरणादायी कारकिर्दीनंतर माजी भारतीय महिला संघाची ही अनुभवी खेळाडू आता नवीन पिढी घडवण्यासाठी बळकट मार्ग आणि सकारात्मक वातावरण तयार करू इच्छिते.
हेही वाचा : Bangalore stampede : ‘पोलिस RCB च्या नोकरांसारखे वागले..’, कर्नाटक सरकारची उच्च न्यायालयात खळबळजनक माहिती
अदितीकडून सोशल मीडियावर पोस्ट करण्यात अली आहे. त्या तिने लिहिले आहे कि, “मला आकार दिल्याबद्दल, माझी परीक्षा घेतल्याबद्दल आणि मला पुढे नेल्याबद्दल फुटबॉलचे आभार. १७ अविस्मरणीय वर्षांनंतर, मी कृतज्ञता आणि अभिमानाने व्यावसायिक फुटबॉलमधून निवृत्त होत आहे.”
तिने पुढे म्हटले आहे कि, या खेळाने मला फक्त करिअरच नाही तर त्यापेक्षा जास्त काही दिले, त्यामुळे मला एक ओळख मिळाली. दिल्लीत स्वप्नांचा पाठलाग करण्यापासून ते ब्रिटनला पोहोचण्यापर्यंत, ते माझ्यासोबत राहिले. ब्रिटनमध्ये, मी स्पोर्ट्स मॅनेजमेंटमध्ये मास्टर्सचे शिक्षण घेतले आणि वेस्ट हॅम युनायटेडकडून खेळली. मी अशा मार्गावर चालत गेली ज्याचा कोणताही स्पष्ट असा नकाशा तयार नव्हता. मला कधीही शिक्षण आणि आवड यापैकी काही एक निवड करावी लागली नाही. मी दोन्ही करण्यासाठी कठोर मेहनत केली आणि या संतुलनाने मला परिभाषित केले आहे.
Football is a game of two halves. I gave it everything in the first half but I’ve still got plenty left in the tank ⚽️♥️ I’m not done yet. pic.twitter.com/T2Bqafrj7T — Aditi Chauhan GK 🇮🇳 (@aditi03chauhan) July 16, 2025
अदितीने आपल्या यशस्वी आंतरराष्ट्रीय कारकिर्दीत, इंग्लंडमधील महिला सुपर लीगसाठी वेस्ट हॅम युनायटेडशी करारबद्ध झाल्यावर सर्वांचे लक्ष वेधून घेतले होते. तिने ५७ सामन्यांमध्ये भारताचे प्रतिनिधित्व केले आणि २०१२, २०१६ आणि २०१९ मध्ये SAFF महिला अजिंक्यपद जिंकणाऱ्या वरिष्ठ संघाचा भाग ती राहिली होती.
अदितीने पुढं सांगितले की, मी खेळाला माझे सर्वस्व दिले आहे. भारतासाठी नंबर वन बनण्याच्या प्रयत्नात सर्वकाही. पण मुख्य आकर्षण म्हणजे पडद्यामागील शांत लढाया. ती म्हणाली की एसीएल दुखापतींमधून परतून, मी इतर खेळाडूंसाठी एक उदाहरण निर्माण केला आहे. की मानसिक धैर्याने कोणीही काहीही मिळवू शकत आणि कशावरही मात करू शकतो.
.png "Videos"){kind=small}
