शुक्रवार, 16 ऑक्टोबर 2026
फोटो सौजन्य - AsianCricketCouncil
Asia Cup Point Table : भारताच्या संघाने पहिल्या दोन्ही सामन्यामध्ये विजय मिळवून स्पर्धेमध्ये अपराजित राहून दमदार कामगिरी आतापर्यत केली आहे. पहिल्या सामन्यात भारताच्या संघाने यूएईला त्याच्या घरच्या मैदानावर पराभूत केले होते. तर दुसऱ्या सामन्यामध्ये भारताच्या संघाने पाकिस्तानला पराभूत केले. सोमवार १५ सप्टेंबर रोजी यूएई येथे होणाऱ्या टी-२० आशिया कप २०२५ च्या सुपर ४ च्या शर्यतीतून दोन संघ बाहेर पडले.
एकाच दिवशी दोन सामने खेळले गेले आणि दोन्ही सामन्यांच्या निकालानंतर, प्रत्येकी एक संघ सुपर ४ च्या शर्यतीतून बाहेर पडला, तर एका संघाला सुपर ४ चे तिकीट मिळाले. हा संघ दुसरा तिसरा कोणी नसून भारतीय संघ आहे, जो ग्रुप ए मध्ये २ सामने जिंकून अव्वल स्थानावर होता. आता सुपर ४ च्या उर्वरित ३ स्थानांसाठी ५ संघांमध्ये लढत सुरू आहे. पाकिस्तान संघाचीही स्थिती चांगली नाही.
आशिया कप २०२५ च्या ग्रुप अ च्या पॉइंट्स टेबलबद्दल बोलायचे झाले तर, टीम इंडिया सुपर ४ साठी पात्र ठरली आहे, तर ओमानच्या टीमचे सुपर ४ मध्ये पोहोचण्याचे सर्व मार्ग बंद झाले आहेत. टीम बाहेर पडली आहे. तथापि, ओमानचा भारताविरुद्ध एक सामना आहे, ज्याचा निकाल पॉइंट्स टेबलवर परिणाम करणार नाही. पाकिस्तानचा संघ दुसऱ्या स्थानावर आहे आणि युएई तिसऱ्या स्थानावर आहे. ग्रुप अ मध्ये ओमान चौथ्या स्थानावर आहे.
| क्रमांक | संघ | झालेले सामने | विजय | पराभव | गुण | स्ट्राइक रेट |
|---|---|---|---|---|---|---|
| 1 | भारत | 2 | 2 | 0 | 4 | +4.93 |
| 2 | पाकिस्तान | 2 | 1 | 1 | 2 | +1.649 |
| 3 | यूएई | 2 | 1 | 1 | 2 | -2.030 |
| 4 | ओमान | 2 | 0 | 2 | 0 | -3.375 |
आशिया कप २०२५ च्या ग्रुप बी च्या पॉइंट्स टेबलबद्दल बोलायचे झाले तर, या ग्रुपमधील एक संघही स्पर्धेतून बाहेर पडला आहे, ज्याने तीनपैकी तीन सामने गमावले आहेत, परंतु या ग्रुपमधील कोणत्याही संघाला अद्याप अधिकृतपणे सुपर ४ चे तिकीट मिळालेले नाही. तिसऱ्या लीग सामन्यात हाँगकाँगला श्रीलंकेकडून पराभव पत्करावा लागला आणि संघ बाहेर पडला. या ग्रुपमध्ये श्रीलंकेचा संघ पहिल्या क्रमांकावर आहे. अफगाणिस्तानचा संघ दुसऱ्या क्रमांकावर आहे आणि बांगलादेशचा संघ तिसऱ्या क्रमांकावर आहे. हाँगकाँगने शेवटच्या स्थानावर आपला प्रवास संपवला आहे.
| क्रमांक | संघ | झालेले सामने | विजय | पराभव | गुण | स्ट्राइक रेट |
|---|---|---|---|---|---|---|
| 1 | श्रीलंका | 2 | 2 | 0 | 4 | +1.546 |
| 2 | अफगाणिस्तान | 1 | 1 | 0 | 2 | +4.700 |
| 3 | बांग्लादेश | 2 | 1 | 1 | 2 | -0.650 |
| 4 | हाॅंगकाॅंग | 3 | 0 | 3 | 0 | -2.151 |
