Birthday Special : दीपक चहरची कधी काळी ‘या’ स्टारसोबत व्हायची तुलना! आता ‘या’ कारणाने आयपीएलपर्यंतच कारकीर्द मर्यादित..

आज ०८ ऑगस्ट रोजी भारतीय खेळाडू दीपक चहर आपला ३२ वा वाढदिवस साजरा करत आहे. दीपक चहरने भारताजखडून २०१८ मध्ये पदार्पण केले होते. तसेच तो दुखापतीमुळे बऱ्याच वेळा संघातून बाहेर राहिला आहे.

• दीपक चहर आज ०८ रोजी त्याचा ३२ वा वाढदिवस साजरा करत आहे.
• दीपक चहरने २०१८ मधेय भारतीय संघात पदार्पण केले होते.
• चहरची तुलना हार्दिक पंड्यासोबत केली जात होती.

Birthday Special : दीपक चहर आज ०८ रोजी त्याचा ३२ वा वाढदिवस साजरा करता आहे. दीपक चहरचा जन्म ७ ऑगस्ट १९९२ रोजी आग्रा येथे झाला. दीपक चहरबद्दल सांगायचं झाल्यास कधी तो भारतीय क्रिकेटचा भविष्य मानला जात होता. परंतु, आता मात्र तो भारतीय संघात परतण्यासाठी संघर्ष करताना दिसत आहे. चहरने २०१८ मध्ये टीम इंडियामध्ये अष्टपैलू खेळाडू म्हणून पदार्पण केले होते. दीपक हा उजव्या हाताचा गोलंदाज असून तो लोवर ऑर्डरमध्ये मोठे फटके मारणारा खेळाडू म्हणून प्रसिद्ध आहे. यामुळेच एकेकाळी त्याची तुलना हार्दिक पंड्यासोबत केली जात से तसेच पंड्याला पर्याय म्हणून दीपककडे पहिले जात होते. परंतु, दीपक चहर केवळ आता आयपीएल खेळतानाच दिसून येतो.

चहरने भारतीय संघासाठी पदार्पण करताना प्रभावी कामगिरी केली. यावेळी त्याच्या गोलंदाजीतील विविधता आणि मोठे फटके मारण्याची क्षमता बघून चहरला पंड्याचा पर्याय मानले जाऊ लागले होत. सुरुवातीच्या काळात त्याला भरपूर संधी देखील देण्यात आल्या होत्या. या दरम्यान त्याची कामगिरी समाधानकारक अशी राहिली होती. तसेच त्याचे आपल्या फिटनेसकडे दुर्लक्ष होत होते.

हेही वाचा : IND Vs ENG : कर्णधाराने बोलण्यापूर्वी विचार करायला हवा..! बेन स्टोक्सला आर. अश्विनने धरले धारेवर; नेमकं प्रकरण काय?

दीपक चहर संघात परतण्यासाठी उत्सुक

दीपक चहर २०१८ मध्ये पदार्पणापासून, त्याला दुखापतीमुळे अनेक वेळा राष्ट्रीय संघातून बाहेर जावे लागेल. त्याच वेळी, तो अनेक वेळा दुखापतीमुळे आयपीएलच्या संपूर्ण हंगामातून देखील बाहेर राहिला आहे. दीपक हा एकदिवसीय आणि टी२० चा चांगला खेळाडू मानला जातो, परंतु संघात स्थान मिळविण्यासाठी खेळाडूंमध्ये मोठ्या प्रमाणावर स्पर्धा सुरु आहे. दीपकला शेवटची संधी दक्षिण आफ्रिकेविरुद्धच्या एकदिवसीय मालिकेसाठी मिळाली होती. तथापि, त्याने वैयक्तिक कारणांमुळे या मालिकेतून माघार घेतली होती. तेव्हापासून तो संघात अद्याप परतला नाही.

आयपीएलचा मुख्य खेळाडू

दीपक दुखापतीमुळे आयपीएल २०२२ मधून बाहेर झाला होता. त्याच वेळी, खराब तंदुरुस्तीमुळे तो २०२३ आणि २०२४ चा संपूर्ण हंगामात त्याला खेळता आले नाही. सीएसकेने त्याला २०२५ पूर्वी सोडले होते. २०२५ मध्ये, तो हार्दिक पंड्याच्या नेतृत्वाखाली मुंबई इंडियन्सकडून देखील खेळला आहे. दीपक चहर हा गोलंदाजीमध्ये विविधतेसाठी प्रसिद्ध आहे. यामुळेच तो अनेकदा सुरुवातीच्या षटकांमध्ये विकेट घेण्यात यशस्वी ठरतो. त्याने आंतरराष्ट्रीय स्तरावर आणि आयपीएलमध्ये सुरुवातीच्या षटकांमध्ये विकेट घेण्याची क्षमता दाखवून दिली आहे. यामुळेच तो बराच काळ आयपीएलमध्ये सीएसकेच्या वेगवान गोलंदाजीचा मुख्य कणा मानला जात होता.

हेही वाचा : ना पंत ना राहुल! Asia Cup 2025 साठी यष्टीरक्षक म्हणून ‘हा’ खेळाडू निवडकर्त्यांची खास पसंती..

३२ वर्षीय चहरने १३ एकदिवसीय सामन्यांमध्ये १६ बळी टिपले आहेत आणि २ अर्धशतकांसह २०३ धावा देखील केल्या आहेत. त्याच वेळी, त्याने २५ टी-२० सामन्यांमध्ये ३१ बळी मिळवले आहेत. त्याच वेळी, दीपकने २०१६ ते २०२५ दरम्यान ९५ आयपीएल सामन्यांमध्ये ८८ विकेट्स घेतल्या आहेत.