बुधवार, 21 ऑक्टोबर 2026
फोटो सौजन्य - सोशल मीडिया
इंग्लंड विरुद्ध न्यूझीलंड : इंग्लंड विरुद्ध न्यूझीलंड यांच्यामध्ये सध्या कसोटी मालिका सुरु आहे. यामध्ये सध्या या मालिकेचा दुसरा सामना सुरु आहे, या दोन्ही संघामध्ये तीन सामान्यांची मालिका रंगणार आहे. यामध्ये पहिल्या सामन्यात विजय मिळवून इंग्लंडच्या संघाने मालिकेमध्ये १-० अशी आघाडी घेतली आहे. कसोटी क्रिकेटच्या इतिहासात तुम्ही अनेक विक्रम बनलेले आणि तुटलेले पाहिले असतील, परंतु आज आम्ही तुम्हाला ज्या विक्रमाबद्दल सांगणार आहोत ते जाणून तुम्हालाही धक्का बसेल.
कसोटी क्रिकेटमध्ये ५ लाख धावांचा टप्पा गाठणारा इंग्लंड हा जगातील पहिला संघ ठरला आहे. होय, हा आकडा गाठण्यासाठी इंग्लंडला एकूण 1082 सामने आणि 717 खेळाडूंची मदत लागली. इंग्लिश संघाने 1877 मध्ये ऑस्ट्रेलियाविरुद्ध पहिली कसोटी खेळली होती. जागतिक क्रिकेटमध्ये सर्वाधिक कसोटी सामने खेळणारा संघही इंग्लंड आहे. अतिरिक्त धावांचा समावेश केल्यास इंग्लिश संघ ५ लाख ३२ हजार धावांच्या जवळ आहे.
500,000 reasons to love England ❤️ pic.twitter.com/yvm1wRogeE — England Cricket (@englandcricket) December 7, 2024
Virat Kohli Video : विराट कोहली हटके अंदाजात! घरच्या मैदानावर ऑस्ट्रेलियन फलंदाजांची केली स्लेजिंग
कसोटी क्रिकेटच्या इतिहासात सर्वाधिक धावा करणाऱ्या दुसऱ्या संघाबाबत बोलायचे झाल्यास, ऑस्ट्रेलिया या यादीत ४,२८,८१६ धावांसह आहे. टीम इंडिया तिसऱ्या क्रमांकावर आहे. मात्र, इंग्लंड आणि ऑस्ट्रेलियाच्या तुलनेत भारताच्या धावांमध्ये मोठा फरक आहे. आतापर्यंत खेळलेल्या 586 कसोटी सामन्यांमध्ये भारताने 316 खेळाडूंच्या मदतीने 2,78,751 धावा केल्या आहेत, तर जर अतिरिक्त धावा जोडल्या गेल्या तर टीम इंडियाच्या नावावर 2,95,833 धावा आहेत.
सध्या वेलिंग्टनमध्ये इंग्लंड आणि न्यूझीलंड यांच्यात कसोटी सुरू आहे आणि ॲडलेडमध्ये भारत विरुद्ध ऑस्ट्रेलिया कसोटी सुरू आहे. यामध्ये दोन्ही कसोटीत केलेल्या धावा जोडल्या जाणार आहेत.
जागतिक क्रमवारीत अव्वल क्रमांकावर असलेला कसोटी फलंदाज रूट आपल्या कारकिर्दीतील १५१वा कसोटी सामना वेलिंग्टनमध्ये खेळत आहे. त्याने दुसऱ्या डावात ५० धावांचा टप्पा पार केला. दुसऱ्या दिवसाच्या खेळाच्या तिसऱ्या सत्रात रूटने आपले अर्धशतक पूर्ण केले. तो इंग्लंडसाठी कसोटीत सर्वाधिक धावा करणारा खेळाडू आहे. याशिवाय तो आपल्या देशासाठी सर्वाधिक शतके झळकावणारा खेळाडू आहे.
– 65 Fifties.
– 35 Hundreds. – JOE ROOT HAS COMPLETED 100 FIFTY PLUS SCORES IN TEST CRICKET…!!!! 🐐 pic.twitter.com/hfEu2lSHSi — Tanuj Singh (@ImTanujSingh) December 7, 2024
सचिन तेंडुलकर (भारत) – 119
जॅक कॅलिस (दक्षिण आफ्रिका) – 103
रिकी पाँटिंग (ऑस्ट्रेलिया) – 103
जो रूट (इंग्लंड) – 100
राहुल द्रविड (भारत) – 99.
इंग्लंड विरुद्ध न्यूझीलंड कसोटीबद्दल बोलायचे झाले तर, इंग्लिश संघाने प्रथम फलंदाजी करताना 280 धावा ठोकल्या होत्या, ज्याच्या प्रत्युत्तरात किवी संघ 125 धावांवर बाद झाला. इंग्लंडने दुसऱ्या डावात 5 विकेट गमावून 378 धावा केल्या आहेत. सामन्याचे तीन दिवस बाकी असताना जो रूट त्याच्या 36व्या शतकाकडे वाटचाल करत होता. भारत विरुद्ध ऑस्ट्रेलिया ॲडलेड कसोटीबद्दल बोलायचे झाल्यास, भारत प्रथम फलंदाजी करताना 180 धावांवर आटोपला. यजमान संघाने भारतावर आघाडी मिळवली आहे.
