मोहम्मद शामीचा नवा आविष्कार (फोटो सौजन्य - Instagram)
लखनौ सुपर जायंट्सचे फिरकी गोलंदाजी प्रशिक्षक कार्ल क्रो यांनी सांगितले की, सामन्याच्या काही दिवस आधी शमीने गोलंदाजी प्रशिक्षक भरत अरुण यांच्यासोबत एका नवीन प्रकारावर काम केले होते. अभिषेक शर्माला बाद करण्यासाठी त्याने त्याच चेंडूचा वापर केला. हा चेंडू थोडा संथ आणि बाहेरच्या बाजूला होता, ज्यामुळे फलंदाजाला ड्राईव्ह खेळण्यास भाग पडले आणि बॅटची कड लागल्याने तो झेलबाद झाला.
View this post on Instagram
Jos Buttler नवा ‘सिक्सर किंग’; केला ‘हा’ वर्ल्ड रेकॉर्ड, ख्रिस गेलच्या क्लबमध्ये मिळवले स्थान
SRH च्या अव्वल फळीची धुलाई
या सामन्यात शमीने भेदक गोलंदाजी करत ४ षटकांत केवळ ९ धावा देऊन २ बळी घेतले, ज्यात १८ निर्धाव चेंडूंचा समावेश होता. त्याने ट्रॅव्हिस हेडलाही बाद केले आणि सनरायझर्स हैदराबादच्या मजबूत फलंदाजी फळीला पूर्णपणे हादरवून सोडले. या उत्कृष्ट गोलंदाजीमुळे एलएसजीने ५ गडी राखून सामना जिंकला आणि या हंगामातील आपला पहिला विजय नोंदवला. शमीने २०२५-२६ च्या देशांतर्गत हंगामातही उत्कृष्ट कामगिरी करत एकूण ६८ बळी घेतले. त्याने सय्यद मुश्ताक अली ट्रॉफीमध्ये १६, विजय हजारे ट्रॉफीमध्ये १५ आणि रणजी ट्रॉफीमध्ये ३७ बळी घेतले.
भारतीय संघात पुनरागमनाबद्दल प्रश्न
एवढी प्रभावी कामगिरी करूनही, शमीला अद्याप भारतीय संघात स्थान मिळालेले नाही. अजित आगरकर यांच्या नेतृत्वाखालील निवड समितीने त्याच्याकडे दुर्लक्ष केले आहे, तर २०२७ च्या विश्वचषकाच्या पार्श्वभूमीवर त्याच्या पुनरागमनाची मागणी वाढत आहे.
कार्ल क्रो यांनी शमीचे कौतुक करताना म्हटले की, या वयातही तो नवीन गोष्टी शिकण्यास उत्सुक असतो. ही मानसिकता त्याला इतर खेळाडूंपेक्षा वेगळे ठरवते. मोहम्मद शमीने केवळ आपल्या नव्या चेंडूने फलंदाजांना आश्चर्यचकित केले नाही, तर अनुभव आणि शिकण्याची इच्छा कोणत्याही खेळाडूला अधिक धोकादायक बनवू शकते हेदेखील दाखवून दिले. हैदराबादविरुद्धच्या सामन्यात मोहम्मद शामीने कमालीची कामगिरी केली होती. त्याच्या या खेळीचे जगभरात कौतुक होत आहे.
IPL 2026 दरम्यान BCCI ने लागू केले कडक नियम, आता मैदानावर खेळाडूंचा प्रवेश होणार मर्यादित
