(फोटो सौजन्य-सोशल मीडिया)
हंगामाच्या सुरुवातीपूर्वीच धोनीला दुखापत झाली होती. २८ मार्च रोजी, माहीच्या दुखापतीबाबत माहिती देताना चेन्नई संघाने स्पष्ट केले होते की, तो सुरुवातीच्या दोन आठवड्यांसाठी संघाबाहेर राहू शकतो. या दोन आठवड्यांमध्ये राजस्थान, पंजाब, बंगळूर आणि दिल्ली या संघांविरुद्धच्या सामन्यांमध्ये कदाचित धोनी खेळणार नसण्याची शक्यता वर्तवली गेली होती. परिणामी, बंगळूरविरुद्धच्या आगामी सामन्यात धोनी खेळण्याची शक्यता अत्यंत कमी असल्याचे दिसून येत आहे.
अनेक प्रसारमाध्यमांच्या वृत्तांनुसार, आरसीबीविरुद्धच्या सामन्यासाठी धोनी संघासोबत बंगळूरला गेला नसल्याचं सांगितलं. पण सामन्यापूर्वी सोशल मीडियावर काही फोटो समोर आले होते ज्यामध्ये धोनी सराव करताना दिसून आला होता. त्यामुळे चाहत्यांना दिलासा मिळाला होता. पण त्याच्या दुखापतीमुळे सध्या तो कोणतीच मॅच खेळत नाही आहे. आता धोनी कोणत्या सामन्याद्वारे मैदानात पुनरागमन करतो, हे पाहणे उत्सुकतेचं ठरणार आहे.
या सामन्याद्वारे चेन्नई संघ या हंगामातील आपला पहिला विजय नोंदवण्याच्या प्रयत्नात असेल. हा चेन्नईचा (CSK) तिसरा लीग सामना असेल; यापूर्वीच्या पहिल्या दोन सामन्यांमध्ये संघाला पराभवाचा सामना करावा लागला आहे. दुसरीकडे, आरसीबीने आपल्या हंगामाची सुरुवात विजयाने केली आहे; त्यांनी आपला सलामीचा सामना जिंकला आहे.
संजू सॅमसन (यष्टीरक्षक), ऋतुराज गायकवाड (कर्णधार), आयुष म्हात्रे, सरफराज खान, शिवम दुबे, कार्तिक शर्मा, प्रशांत वीर, नूर अहमद, अंशुल कंबोज, मॅट हेन्री, खलील अहमद, जेमी ओव्हरटन, राहुल चहर, मॅथ्यू शॉर्ट, रामकृष्ण घोष, गुरजपनीत सिंग, अकील होसेन, एम.एस. धोनी, श्रेयस गोपाल, स्पेन्सर जॉन्सन, मुकेश चौधरी, उर्विल पटेल, अमन खान, डेवाल्ड ब्रेव्हिस, झॅकरी फॉक्स.
फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), जितेश शर्मा (विकेटकीपर), टीम डेव्हिड, रोमॅरियो शेफर्ड, कृणाल पंड्या, भुवनेश्वर कुमार, अभिनंदन सिंग, जेकब डफी, सुयश शर्मा, जेकब बेथेल, रसिक सलाम जोमान, वेंकट सलाम, कनिश दार, विनेश शर्मा. हेजलवूड, मंगेश यादव, विहान मल्होत्रा, विकी ओस्तवाल, जॉर्डन कॉक्स, स्वप्नील सिंग, सात्विक देसवाल.
