Kho Kho World Cup 2025 : भारतीय पुरुष संघाचा पेरू संघावर मोठा विजय; उपांत्यपूर्व फेरीत प्रवेश निश्चित

खो खो विश्वचषक 2025 स्पर्धेत भारतीय संघाने पेरू संघावर मोठा विजय प्राप्त करीत उपांत्यपूर्व फेरी गाठली आहे.

Kho Kho World Cup 2025 : भारतीय पुरुष संघाचा पेरू संघावर मोठा विजय; उपांत्यपूर्व फेरीत प्रवेश निश्चित

Follow Us:

Follow Us:

नवी दिल्ली : खो खो जागतिक विश्वचषक स्पर्धेत भारतीय पुरुष संघाने पेरू संघाचा 70-38 असा पराभव करून उपांत्यपूर्व फेरीत आपले स्थान निश्चित केले. इंदिरा गांधी इनडोअर स्टेडियम येथे सुरू असलेल्या या स्पर्धेत ब्लू जर्सी परिधान केलेल्या भारतीय पुरुष संघाने सर्वोत्तम खेळाचे प्रदर्शन करीत आपली विजयी मालिका कायम ठेवली.

भारतीय संघाचे पेरू संघावर वर्चस्व

सामन्यात भारताने सुरेख सुरुवात करत पेरू संघावर वर्चस्व गाजवले. कर्णधार प्रतीक वाईकर याने आपल्या नेतृत्वाखाली पहिल्या सत्रात भारतीय संघाला 36 गुणांची मजल गाठून दिली. दुसऱ्या सत्रात देखील आदित्य पोटे, सिवा रेड्डी आणि सचिन भार्गो यांच्या सुरेख कामगिरीच्या जोरावर भारतीय संघाने 70 गुणांची आघाडी प्राप्त केली. या विजयाबरोबरच भारतीय संघाने आपणच विजेतेपदाचे प्रबळ दावेदार असल्याचे सिद्ध केले आहे.

इतर पारितोषिके
सर्वोत्कृष्ट आक्रमक खेळाडू: जिनर वर्घिस
सर्वोत्कृष्ट बचावपटू: रामजी कश्यप
सामनावीर : अनिकेत पोटे.

Web Title: Kho kho world cup 2025 indian mens teams big win over peru team pre final entry confirmed

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com