LA 2028 Olympics: पाकिस्तानी संघाला फटका! ऑलिंपिकमध्ये खेळणार नाही? नेमकं कारण काय?

क्रिकेट प्रेमींसाठी आनंदाची बातमी समोर आली आहे, दीर्घ प्रतिक्षेनंतर ऑलिंपिकमध्ये क्रिकेट परत येणार आहे. यावेळी २०२८ मध्ये लॉस एंजेलिसमध्ये होणाऱ्या ऑलिंपिकमध्येही क्रिकेट या खेळाचा समावेश असणार आहे.

LA 2028 Olympics : क्रिकेट प्रेमींसाठी आनंदाची बातमी समोर आली आहे, एका शतकानंतर ऑलिंपिकमध्ये क्रिकेट परत येणार आहे. यावेळी २०२८ मध्ये लॉस एंजेलिसमध्ये होणाऱ्या ऑलिंपिकमध्येही क्रिकेट या खेळाचा समावेश असणार आहे.  या स्पर्धेत सहा पुरुष आणि सहा महिला संघ सहभागी होतील. या मेगा इव्हेंटमध्ये पाकिस्तान सहभागी होण्याची शक्यता कमी असल्याचे दिसत आहे. आंतरराष्ट्रीय क्रिकेट परिषदेनकडून लॉस एंजेलिस २०२८ च्या खेळांसाठी सहा सहभागी संघांची निवड कशी करावी हे ठरवण्यात आले आहे.

हेही वाचा : IND vs AUS Weather Report : भारत-ऑस्ट्रेलिया पाचव्या T20 वर पावसाची शक्यता, सामना वेळेवर सुरू होईल का?

सहा पुरुष आणि सहा महिला संघांचा सहभाग

शुक्रवारी, ७ नोव्हेंबर रोजी दुबई येथे झालेल्या नुकत्याच झालेल्या बोर्ड बैठकीमध्ये, जागतिक क्रिकेट संघटनेकडून  दुजोरा देण्यात आयाला आह की,  १९०० मध्ये पॅरिस ऑलिंपिकनंतर प्रथमच पुरुष आणि महिला दोन्ही श्रेणीतील प्रत्येकी सहा संघ या खेळांमध्ये सहभागी होणार आहेत. आयसीसी टी२०आय रँकिंगवर आधारित फक्त शीर्ष सहा संघांची सुरुवातीची कल्पना आता रद्द केली गेली आहे. आता, अशी व्यवस्था लागू केली जाईल ज्यामध्ये प्रत्येक प्रदेश/खंडातील अव्वल संघ पात्र ठरतील आणि सहावा संघ जागतिक पात्रता फेरीतून घेण्यात येईल.

आयसीसीच्या एका अधिकाऱ्याकडून सांगण्यात आले आहे की, संघ सहभागाबाबत चर्चा झाली आहे आणि प्रत्येक प्रदेश/खंडातील अव्वल क्रमांकाचा संघ सहभागी होणार आहे.  तर सहावा संघ जागतिक पात्रता फेरीतून येईल असा निर्णय घेण्यात आला आहे. आयसीसी लवकरच तपशील शेअर करणार आहे. परंतु रोडमॅप जवळजवळ पूर्ण झाला आहे. या व्यवस्थेचा अर्थ असा आहे की प्रत्येक प्रदेश/खंडातील अव्वल संघ अव्वल पाच संघांमध्ये असणार आहे.

पाकिस्तानला बाहेर पडणार?

सध्याच्या क्रमवारीनुसार, भारत आशियातून, ऑस्ट्रेलिया ओशनियातून, इंग्लंड युरोपमधून आणि दक्षिण आफ्रिका आफ्रिकेतून पात्र ठरणार आहेत. यजमानपदाचे अधिकार मिळाल्याने अमेरिका अमेरिकेतून पात्र ठरेल की वेस्ट इंडिज ते स्थान पटकावेल हे पाहणे महत्वाचे असणार आहे. जागतिक क्रिकेट संघटनेकडून लवकरच जागतिक पात्रता फेरीचे तपशील शेअर केले जाण्याची शक्यता वर्तवण्यात येत आहे.  भारत आणि पाकिस्तान यांच्यातील सामना एलए२८ मध्ये होणार नाही अशी दाट शक्यता आहे, कारण जागतिक पात्रता फेरीचे तपशील अद्याप समोर आले नाही.

हेही वाचा : दक्षिण आफ्रिका मालिकेपूर्वी टीम इंडियासाठी वाईट बातमी, ऋषभ पंत पुन्हा जखमी! सोडावे लागले मैदान

बैठकीनंतर जारी करण्यात आलेल्या सविस्तर निवेदनात, आयसीसीने महिला क्रिकेटच्या यशाची नोंद घेतली आणि एलए२८ गेम्सबद्दल अपडेट देण्यात आले आहेत.  मीडिया रिलीजमध्ये म्हटले गेले आहे की, जागतिक मल्टीस्पोर्ट लँडस्केपमध्ये क्रिकेटने आपले स्थान निर्माण करत असताना, आयसीसीकडून आंतरराष्ट्रीय ऑलिंपिक समिती आणि लॉस एंजेलिस २०२८ ऑलिंपिक गेम्ससोबतच्या आयसीसीच्या चालू चर्चेचा आढावा घेण्यात आला आहे.एलए२८ मध्ये पुरुष आणि महिला दोन्ही टी२० स्पर्धांमध्ये प्रत्येकी सहा संघ  असणार आहेत. तसेच १२ जुलै २०२८ पासून सुरू होणाऱ्या या स्पर्धेत एकूण २८ सामने खेळवले जाणार आहे.