सोमवार, 19 ऑक्टोबर 2026
वनडे विश्वचषक ऑस्ट्रेलिया विरुद्ध श्रीलंका : वनडे विश्वचषकाचा १४ वा सामना ऑस्ट्रेलिया आणि श्रीलंका यांच्यात लखनौच्या एकना क्रिकेट स्टेडियमवर खेळला जात आहे. नाणेफेक जिंकून प्रथम फलंदाजी करण्याचा निर्णय घेतल्यानंतर श्रीलंकेचे सलामीवीर पथुम निसांका आणि कुसल परेराने शतकी भागीदारी करत ऐतिहासिक विक्रम केला. खरे तर निसांका आणि परेराने संयुक्तपणे विश्वचषकात ऑस्ट्रेलियाविरुद्ध तिसरी सर्वोच्च भागीदारी केली होती. या सामन्यात निसांका आणि परेराने पहिल्या विकेटसाठी १२५ (१३० चेंडू) धावांची भागीदारी केली. आपल्या डावात निसांकाने 8 चौकारांच्या मदतीने ६१ (६७ चेंडू) आणि कुलास परेराने १२ चौकारांच्या मदतीने ७८ (८२) धावा केल्या. ऑस्ट्रेलियाविरुद्धच्या विश्वचषकात श्रीलंकेसाठी सर्वात मोठी भागीदारी करण्याचा विक्रम महेला जयवर्धने आणि सी सिल्वा यांच्या नावावर आहे, ज्यांनी २००७ विश्वचषकात ऑस्ट्रेलियाविरुद्ध चौथ्या विकेटसाठी १४० धावांची भागीदारी केली होती.
या यादीत दुसरा क्रमांक तिलकरत्ने दिलशान आणि कुमार संगकाराचा आहे, ज्यांनी २०१५ च्या एकदिवसीय विश्वचषकात ऑस्ट्रेलियाविरुद्ध खेळताना दुसऱ्या विकेटसाठी १३० धावांची भागीदारी केली होती. त्यानंतर तिसरा क्रमांक ए.डी. सिल्वा आणि ए. गुरुसिन्हा यांचा येतो, ज्यांनी १९९६ विश्वचषकात ऑस्ट्रेलियाविरुद्ध तिसऱ्या विकेटसाठी १२५ धावांची भागीदारी केली होती. यानंतर कुसल परेरा आणि पथुम निसांका यांच्या नावावर चौथा आणि संयुक्त तिसरा क्रमांक नोंदवला गेला आहे.
एकदिवसीय विश्वचषक स्पर्धेत ऑस्ट्रेलियाविरुद्ध श्रीलंकेची सर्वात मोठी भागीदारी
१४० धावा – महेला जयवर्धने आणि सी सिल्वा, सेंट जॉर्ज २००७ (चौथ्या विकेटसाठी)
१३० धावा- तिलकरत्ने दिलशान आणि कुमार संगकारा, सिडनी २०१५ (दुसऱ्या विकेटसाठी)
१२५ धावा- ए डी सिल्वा आणि ए गुरुसिन्हा, लाहोर १९९६ (तिसऱ्या विकेटसाठी)
१२५ धावा- पथुम निसांका आणि कुसल परेरा, लखनौ २०२३* (पहिल्या विकेटसाठी)
