पुणे जिल्हा मानांकन टेबल टेनिस स्पर्धेत युवा खेळाडूंचा दबदबा! चुरशीच्या लढतीत शगुन, स्वयम, स्पृहा, वरदान विजेते

Pune District Table Tennis Tournament 2026 : पुण्यात झालेल्या चौथ्या जिल्हा मानांकन टेबल टेनिस स्पर्धेत शगुन गणेशे, स्वयम कोठावळे, स्पृहा गुजर आणि वरदान कोलते यांनी दमदार कामगिरी करत आपापल्या गटात विजेतेपद पटकावले.

Deulgaon Table Tennis Tournament

Follow Us:

Follow Us:

• पुण्यात टेबल टेनिसचा थरार
• स्पर्धेत युवा खेळाडूंची चमक
• शगुन, स्वयम, स्पृहा, वरदान अजिंक्य

Women’s Asia Cup 2026 च्या पॉइंट्स टेबलमध्ये मोठा ट्विस्ट! पाकिस्तानचा थायलंडवर दणदणीत विजय; तरीही गुणतालिकेत भारतच नंबर-1

प्रभात रस्ता येथील सिम्बॉयसिस स्पोर्ट्स सेंटरच्या टेबल टेनिस हॉलमध्ये या स्पर्धेतील चुरशीच्या अंतिम फेऱ्या पार पडल्या.११ वर्षांखालील मुलींचा गटामध्ये अंतिम सामन्यात दुसऱ्या मानांकित शगुन गणेशे हिने अव्वल मानांकित शरण्या पटवर्धनचा ९-११, ११-६, ११-७, ११-८ अशा फरकाने पराभव करून विजेतेपद पटकावले. शगुन ही माऊंट लिटर स्कूलमध्ये इयत्ता ५ वीत शिकत असून, चॅम्पियन्स टेबल टेनिस अकादमीमध्ये प्रशिक्षक तेहसीन अन्सारी यांच्या मार्गदर्शनाखाली सराव करते.

११ वर्षांखालील मुलांचा गट अव्वल मानांकित स्वयम कोठावळे याने उत्कृष्ट खेळाचे प्रदर्शन करत तिसऱ्या मानांकित आरव बापटचा ११-४, ८-११, ११-६, ११-३ अशा गेमने पराभव केला आणि विजेतेपदाचा मान मिळवला. स्वयम हा अभिनव विद्यालय इंग्लिश मीडियम स्कूलमध्ये ५ वीचा विद्यार्थी असून, तो हिराबाग टेबल टेनिस अकादमीत प्रशिक्षक नेहा कोठावळे यांच्याकडे सराव करतो.

१३ वर्षाखालील गटामधील निकाल

१३ वर्षांखालील मुलींचा गटात दुसऱ्या मानांकित स्पृहा गुजर हिने चुरशीच्या लढतीत चौथ्या मानांकित आहाना गोडबोलेवर ११-९, ८-११, १२-१०, ११-७ अशी मात करत विजेतेपदाला गवसणी घातली. शनिवार पेठेतील न्यू इंग्लिश मीडियम स्कूलमध्ये ७ वीत शिकणारी स्पृहा ही शारदा टॉस टेबल टेनिस अकादमीत प्रशिक्षक मकरंद साने व दीपेश अभ्यंकर यांच्या मार्गदर्शनाखाली प्रशिक्षण घेत आहे. १३ वर्षांखालील मुलांचा गटामध्ये अव्वल मानांकित वरदान कोलते याने आपल्या लौकिकाला साजेसा खेळ करत दुसऱ्या मानांकित नभ पांचोलीयाचा ११-६, ११-३, ११-७ असा सरळ सेट्समध्ये धुव्वा उडवला. वरदान हा एड्युकॉन इंटरनॅशनल स्कूलमध्ये ६ वीत शिकत असून, क्रीडा प्रबोधिनी टेबल टेनिस अकादमीत प्रशिक्षक अनिल बांदेल यांच्याकडे सराव करतो.

मान्यवरांच्या हस्ते पारितोषिक वितरण

स्पर्धेतील सर्व विजेत्या व उपविजेत्या खेळाडूंना आकर्षक करंडक देऊन गौरविण्यात आले. पारितोषिक वितरण समारंभास सिम्बॉयसिसचे संचालक डॉ. अमेय येरवडेकर, सिम्बॉयसिस सेंटर ऑफ इंटरनॅशनल एज्युकेशनच्या संचालिका अमृता (येरवडेकर) रुईकर, सिम्बॉयसिसचे मुख्य वित्त उपअधिकारी (डेप्युटी सीएफओ) सुनील जैन, युनियन बँकेचे रिजनल हेड अभिषेक जैन, इंडियन बँकेचे सहायक सरव्यवस्थापक दीपक अरोरा, सिम्बॉयसिस स्कूल सेंट्रल संचालिका डॉ. गार्गी मित्रा, पीडीटीटीएच्या उपाध्यक्षा स्मिता बोडस, सचिव श्रीराम कोनकर, सिम्बॉयसिस स्कूलच्या मुख्याध्यापिका वीणा हवनुरकर आणि मुख्य पंच मधुकर लोणारे आदी मान्यवर उपस्थित होते.

IND vs NZ: न्यूझीलंड दौऱ्यापूर्वी टीम इंडियाची खास तयारी; टेस्ट सीरिजआधी खेळणार 3 महत्त्वाचे सामने, कधी अन् कुठे भिडणार?

Web Title: Pune district table tennis tournament 2026 shagun swayam spruha vardaan winners

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com