शनिवार, 17 ऑक्टोबर 2026
फोटो सौजन्य – X (Windies Cricket)
ऑस्ट्रेलिया विरुद्ध वेस्ट इंडीज सामन्याचा अहवाल : ऑस्ट्रेलिया विरुद्ध वेस्ट इंडीज यांच्यामध्ये तीन सामन्यांची कसोटी मालिका खेळवली जात आहे. या कसोटी मालिकेचा पहिला सामना खेळवला जात आहे. या पहिल्या सामन्यामध्ये गोलंदाजांचा दबदबा पाहायला मिळाला. पहिल्या सामन्यामध्ये ऑस्ट्रेलियाच्या संघाने नाणेफेक जिंकुन पहिले फलंदाजी करण्याचा निर्णय घेतला होता. या सामन्यात पहिल्या डावामध्ये कांगारुचा संघ डगमगला अन् वेस्ट इंडीजच्या संघाने पहिल्या डावामध्ये ऑस्ट्रेलियाच्या संघाला 180 धावांवर रोखले. या सामन्यात दुसऱ्या दिनापर्यत संघाची कामगिरी कशी राहिली यासंदर्भात सविस्तर वाचा.
वेस्ट इंडिज आणि ऑस्ट्रेलिया यांच्यातील पहिला कसोटी सामना बार्बाडोसमध्ये खेळला जात आहे. सामन्यात २ दिवसांचा खेळ पूर्ण झाला आहे आणि दोन्ही दिवशी वेगवान गोलंदाजांनी त्यांच्या सर्वोत्तम कामगिरीत भाग घेतला. बार्बाडोसच्या खेळपट्टीवर फलंदाज अपयशी ठरले, ज्यामुळे २ दिवसांत २४ बळी पडले.
दुसऱ्या दिवशी वेस्ट इंडिजचा पहिला डाव १९० धावांवर संपला. वेस्ट इंडिजकडून फलंदाजी करताना शाई होपने सर्वाधिक ४८ धावा केल्या. याशिवाय कर्णधार रोस्टन चेसने ४४ धावा केल्या. त्याच वेळी अल्झारी जोसेफने २० चेंडूत २३ धावांची नाबाद खेळी केली. ऑस्ट्रेलियाकडून गोलंदाजी करताना मिचेल स्टार्कने सर्वाधिक ३ बळी घेतले. कर्णधार पॅट कमिन्स, जोश हेझलवूड आणि ब्यू वेबस्टरने २-२-२ बळी घेतले. तर फिरकी गोलंदाज नाथन लायनला एक बळी मिळाला.
Thoughts on Day2️⃣?#WIvAUS #FullAhEnergy pic.twitter.com/C0vFTJSbc5 — Windies Cricket (@windiescricket) June 26, 2025
दुसऱ्या डावात फलंदाजी करताना ऑस्ट्रेलियाची पुन्हा एकदा वाईट सुरुवात झाली. दुसऱ्या दिवशीच ऑस्ट्रेलियाने त्यांच्या टॉप-४ फलंदाजांच्या विकेट गमावल्या. सॅम कॉन्स्टास ५ धावा, उस्मान ख्वाजा १५ धावा, कॅमेरॉन ग्रीन १५ धावा आणि जोश इंगलिस १२ धावा काढून बाद झाले. दुसऱ्या दिवसाच्या खेळाच्या अखेरीस ऑस्ट्रेलियाने ४ विकेट गमावल्यानंतर ९२ धावा केल्या होत्या. वेस्ट इंडिजकडून गोलंदाजी करताना जेडेन सील्स, शमार जोसेफ, अल्झारी जोसेफ आणि जस्टिन यांनी १-१-१-१ विकेट घेतल्या.
सामन्याच्या पहिल्या दिवशी ऑस्ट्रेलियाचा पहिला डाव १८० धावांवर संपला. आतापर्यंत ऑस्ट्रेलियन फलंदाजांनी खूप निराशा केली आहे. पहिल्या दिवशी वेस्ट इंडिजकडून गोलंदाजी करताना जेडेन सील्सने ५ आणि शमार जोसेफने ४ विकेट घेतल्या.
