मंगळवार, 20 ऑक्टोबर 2026
Shafali Verma Completed 3000 T20I runs
नवा मालक, नवी सुरुवात… RCB चं नाव बदलणार? आर्यमन बिर्लांनी केला मोठा खुलासा; म्हणाले…
भारतीय महिला क्रिकेट संघाची सलामीवीर शफाली वर्माने शनिवारी पाकिस्तानविरुद्धच्या महिला आशिया कप गट ‘अ’ सामन्यात इतिहास रचला. तिने महिला टी-२० आंतरराष्ट्रीय क्रिकेटमध्ये ३,००० धावा पूर्ण केले. याशिवाय दोन मोठे विक्रम मोडले. शफाली हा ऐतिहासिक टप्पा गाठणारी सर्वात वेगवान आणि सर्वात तरुण फलंदाज ठरली आहे. शफालीने वयाच्या २२ व्या वर्षी महिला टी-२० आंतरराष्ट्रीय सामन्यांमध्ये ३००० धावा पूर्ण करून विश्वविक्रम रचला. तिने आयर्लंडच्या गॅबी लुईसचा विक्रम मोडला. गॅबीने वयाच्या २४ वर्षे आणि ३४७ दिवसांत हा पराक्रम केला होता. याशिवाय, शफालीने सर्वात कमी चेंडूंमध्ये ३००० धावा पूर्ण केल्या. तिने हा आकडा केवळ २१८२ चेंडूंमध्ये गाठला. यापूर्वी हा विक्रम ऑस्ट्रेलियाची दिग्गज खेळाडू एलिसा हिलीच्या नोंदवला होता. एलिसाने २३२१ चेंडूंमध्ये ३००० धावा पूर्ण केल्या होत्या. पाकिस्तानी महिला संघाविरुद्ध १२ धावा करून पॅव्हेलियनमध्ये परतली असली तरी, शफालीने इतिहास रचला आहे. शफालीने तिच्या ११४ व्या टी-२० आंतरराष्ट्रीय सामन्यात ही कामगिरी केली. शेफालीने आतापर्यंत ११३ डावांमध्ये ३०५५ धावा केल्या आहेत.
शेफालीने २०१९ मध्ये वयाच्या अवघ्या १५ व्या वर्षी भारतासाठी टी२० आंतरराष्ट्रीय पदार्पण केले. आता ती महिलांच्या टी२० आंतरराष्ट्रीय सामन्यांमध्ये ३,००० धावा पूर्ण करणारी तिसरी भारतीय महिला फलंदाज ठरली आहे. कर्णधार हरमनप्रीत कौर आणि स्मृती मंधाना यांनी यापूर्वीच हा पराक्रम केला आहे. शेफाली तिच्या आक्रमक फलंदाजीसाठी ओळखली जाते. वयाच्या अवघ्या २२ व्या वर्षी, तिने आंतरराष्ट्रीय क्रिकेटमध्ये मोठा अनुभव मिळवला आहे आणि महिला क्रिकेटमधील सर्वात धोकादायक सलामीवीरांपैकी एक म्हणून स्वतःला स्थापित केले आहे.
