शनिवार, 17 ऑक्टोबर 2026
SRH vs KKR Pitch Report (फोटो- ians)
आज केकेआर विरुद्ध एसआरएचमध्ये होणार सामना
दोन्ही संघांचा पहिल्या सामन्यात पराभव
इडन गार्डन स्टेडियमवर रंगणार सामना
SRH Vs KKR Tata IPL 2026 Live: मागील आठवड्यात आयपीएलचा थरार सुरू झाला आहे. आज संध्याकाळी कोलकाता नाइट रायडर्स विरुद्ध सनरायजर्स हैदराबाद (SRH vs KKR) यांच्यात सामना होणार आहे. कोलकाताच्या ईडन गार्डन स्टेडियमवर सामना होणार आहे. दोन्ही संघांना आपापल्या पहिल्या सामन्यात पराभव स्वीकारावा लागला आहे.
आज कोलकाता नाइट रायडर्स विरुद्ध सनरायजर्स हैदराबाद आमनेसामने येणार आहेत. दोन्ही संघ आज आपल्या पहिल्या विजयासाठी मैदानात उतरणार आहेत. ईडन गार्डन स्टेडियमवर हा सामना होणार असून, आजच्या सामन्यासाठी येथील खेळपट्टी कशी असेल, ती कोणाला साथ देईल याचा एक आढावा घेऊयात.
काय सांगतो पीच रिपोर्ट?
ईडन गार्डनची खेळपट्टी फलंदाजांसाठी स्वर्ग समजली जाते. लाइट्स असताना या ठिकाणी फलंदाजी करणे खेळाडूना आवडते. सुरुवातीला काही ओव्हर्समध्ये गोलंदाजांना मदत मिळण्याची शक्यता आहे. त्यानंतर इथे फक्त फलंदाजांची ताकद दिसू शकते. टॉस जिंकणारा संघ प्रथम गोलंदाजी करणे निवडतो. या स्टेडियमवर आपल्याला धावांचा पाऊस पाहायला मिळू शकतो.
कसे असणार हवामान?
आज एसआरएच आणि केकेआर यांच्यात ईडन गार्डन्सवर सामना होणार आहे. केकेआरचे हे होम ग्राऊंड आहे. दरम्यान या ठिकाणी खेळपट्टी फलंदाजांसाठी उपयुक्त असल्याचे समोर येत आहे. दरम्यान आज येथील हवामान देखील साफ आणि मोकळे असण्याची शक्यता आहे. पावसाची शक्यता नाहीये. कदाचित उकाडा जास्त असण्याचा अंदाज आहे. त्यामुळे खेळाडूंना त्रास होऊ शकतो.
सामना कुठे बघाल?
केकेआर विरुद्ध एसआरएच यांच्यात संध्याकाळी 7.30 वाजता सामना सुरू होईल 7 वाजता टॉस होईल. हा सामना तुम्ही स्टार स्पोर्ट्स नेटवर्कवर पाहू शकता. तसेच जिओ हॉटस्टारवर देखील तुम्ही हा सामना पाहू शकणार आहात.
LSG Vs DC Live: लखनौसमोर समीर रिझवीचा धुमाकूळ; एकाना हादरलं, दिल्लीचा 6 विकेट्सने विजय
केकेआरची संभाव्य टीम: फिन्न ॲलन, अजिंक्य रहाणे (कर्णधार), कॅमेरून ग्रीन, अंगक्रिश रघुवंशी (यष्टीरक्षक), रिंकू सिंग, रमणदीप सिंग, सुनील नरेन, अनुकूल रॉय, वरुण चक्रवर्ती, वैभव अरोरा, रॉवमन पॉवेल,
एसआरएचची संभाव्य टीम: ट्रॅव्हिस हेड, अभिषेक शर्मा, इशान किशन (कर्णधार आणि यष्टीरक्षक), हेनरिक क्लासेन, लियाम लिविंगस्टोन, नितीश कुमार रेड्डी, हर्षल पटेल, जयदेव उनाडकट, ईशान मलिंगा, अनिकेत वर्मा, सलील अरोरा
