Tata IPL CSK vs KKR Pitch Report (फोटो- सोशल मिडिया)
आज सीएकके विरुद्ध केकेआर सामना
एम. ए. चिदंबरम स्टेडियमवर येणार आमनेसामने
केकेआर अजूनही पहिल्या विजयाच्या प्रतीक्षेत
Tata IPL 2026 CSK vs KKR Live Updates: आज संध्याकाळी चेन्नई सुपर किंग्ज आणि कोलकाता नाइट रायडर्स (CSK vs KKR )यांच्यात सामना होणार आहे. चेन्नईच्या एम. ए. चिदंबरम स्टेडियमवर संध्याकाळी 7.30 वाजता सुरू हा सामना होणार आहे. दोन्ही संघासाठी आजचा सामना महत्वाचा असणार आहे. केकेआर अजूनही आपल्या पहिल्या विजयाच्या प्रतीक्षेत आहे. त्यामुळे आजचा सामना रोमांचक अशा पद्धतीचा होण्याची शक्यता आहे.
कोलकाता नाइट रायडर्सला यंदाच्या आयपीएलच्या हंगामात एकही विजय मिळवता आलेला नाही. पावसामुळे पंजाब किंग्जविरुद्ध सामना रद्द झाल्यामुळे त्यांना एक पॉइंट प्राप्त झाला आहे. अखेरीस त्यांना एकही सामना जिंकता आलेला नाही. त्यामुळे केकेआर गुणतालिकेत सर्वात शेवटच्या स्थानी आहे. आजचा सामना जिंकून आपले खाते केकेआर उघडणार का हे पहावे लागणार आहे.
काय आहे आजचा पीच रिपोर्ट?
एम.ए. चिदंबरम स्टेडियमची आजची खेळपट्टी थोडीशी वेगळी असल्याचे म्हंटले जात आहे. पहिल्यांदा हे पीच स्लो होते. मात्र आता लाल मातीमुळे येथे पीच थोडे फास्ट असे झाले आहे. सुरुवातीला फलंदाजांना मदत मिळू शकते. मात्र मधले काही ओव्हर्स स्पिनर्सला फायदा होताना दिसेल. दुसऱ्या डावात गोलंदाजी करणे थोडे अवघड जाऊ शकते. त्यामुळे टॉस जिंकून प्रथम गोलंदाजी करण्याचा निर्णय योग्य ठरू शकतो.
IPL दरम्यान गर्लफ्रेंडसह गुरुद्वारा पोहचला Arshdeep Singh, व्हिडिओ Viral; नात्यावर शिक्कामोर्तब?
चेन्नईमधले आजचे वातावरण स्वच्छ आणि मोकळे राहण्याचा अंदाज आहे. दिवसा येथील तापमान 34 डिग्रीपर्यंत जाऊ शकते. संध्याकाळी ते 27 पर्यंत येऊ शकते. आज या ठिकाणी पावसाची कोणतीही शक्यता नाहीये. दुसऱ्या डावात दव पडण्याचा अंदाज आहे. त्यामुळे काहीसा फरक जाणवू शकतो. चेन्नईला मागच्या सामन्यात विजय मिळाला आहे. त्यामुळे विजयाची गाडी कायम ठेवण्यासाठी चेन्नई सुपर किंग्जचा संघ प्रयत्नशील असेल. यंदाच्या हंगामात सलग तीन पराभव झालेला केकेआर पहिल्या विजयासाठी मैदानात उतरताना दिसेल.
मागच्या सामन्यात चेन्नई सुपर किंग्जने यंदाच्या हंगामातील पहिला विजय प्राप्त केला आहे. संजू सॅमसनच्या शतकी खेळीमुळे आणि भेदक गोलंदाजीमुळे चेन्नईने हा सामना आपल्या खिशात घातला. तर केकेआरने मागचा हातात असलेला सामना गमावला होता. केकेआरला अजून एकही सामना यंदाच्या आयपीएलमध्ये जिंकता आलेला नाही. त्यामुळे कर्णधार अजिंक्य रहाणेवर विजय प्राप्त करण्याचा दबाव असणार आहे.
