itel S25 सीरीजची अफोर्डेबल प्राइजमध्ये एंट्री, 50MP मुख्य कॅमेरा आणि 5000mAh बॅटरीने सुसज्ज

itel ने S25 आणि S25 Ultra स्मार्टफोन लाँच केले आहेत. itel S25 मध्ये फ्लॅट AMOLED डिस्प्ले देण्यात आला आहे, तर S25 अल्ट्रा मध्ये दोन-टोन कलर स्कीमसह कर्व्ड AMOLED डिस्प्ले आहे. itel S25 देशात प्री-ऑर्डरसाठी उपलब्ध आहे.

लोकप्रिय टेक कंपनी Samsung च्या आगामी सिरीज S25 बद्दल गेल्या अनेक दिवसांपासून चर्चा सुरु आहे. कंपनी लवकरच त्यांची आगामी सिरीज लाँच करतील असं सांगितलं जात आहे. Samsung च्या S25 सिरीजबद्दल चर्चा सुरु असतानाच itel ने त्यांची S25 सिरीज लाँच केली आहे. itel ची S25 सिरीज Samsung च्या S25 सिरीजच्या तुलनेत अतिशय स्वस्त असल्याचं सांगितलं जात आहे.

हेदेखील वाचा- युनिक डिझाइन आणि दमदार ऑडियो क्वालिटीसह Cyberstud x2 Earbuds लाँच, वाचा किंमत

स्मार्टफोन कंपनी itel ने S25 आणि S25 Ultra असे दोन स्मार्टफोन लाँच केले आहेत. itel ने ही मॉडेल्स फिलीपिन्समध्ये त्यांच्या S24 सीरीजचे उत्तराधिकारी म्हणून लाँच केली आहेत. Itel ची S24 सिरीज आगामी Galaxy S25 सारखी स्क्वेयर लुकमध्ये लाँच करण्यात आली आहे. सीरीजचे दोन्ही फोन काहीसे Samsung Galaxy S24 सारखे दिसत आहेत. यात मागील बाजूस कॅमेराच्या बाजूला एक अद्वितीय रिंग लाइट फ्लॅश तसेच सेकेंडरी फ्लॅश देण्यात आला आहे. (फोटो सौजन्य – itel)

itel S25 स्पेसिफिकेशन्स

डिस्प्ले – itel S25 मध्ये फ्लॅट AMOLED डिस्प्ले देण्यात आला आहे, तर S25 अल्ट्रामध्ये दोन-टोन कलर स्कीमसह कर्व्ड AMOLED डिस्प्ले आहे. S25 मध्ये 120Hz च्या रिफ्रेश रेटसह 6.78-इंचाचा FHD+ डिस्प्ले आहे.

चिपसेट – itel S25 स्मार्टफोनमध्ये कोणता चिपसेट देण्यात आला आहे, याबाबत अद्याप माहिती समोर आली नाही. परंतु असे म्हटले जाते की या स्मार्टफोनमध्ये चिपसेट Unisoc T612 असू शकतो.

कॅमेरा – itel S25 मध्ये 32-मेगापिक्सेल सेल्फी कॅमेरासह 50MP कॅमेरा आहे. अधिक चांगला ऑडिओ अनुभव देण्यासाठी, DTS ऑडिओ आणि पॉवरसाठी 5000mAh बॅटरी उपलब्ध आहे. हे IP54 स्प्लॅश प्रतिरोधासह येते, जे पाणी आणि धूळपासून सुरक्षित ठेवण्यास मदत करते.

iTel S25 Ultra स्पेसिफिकेशन्स

डिस्प्ले – S25 Ultra मध्ये थोडी चांगली वैशिष्ट्ये देण्यात आली आहेत. डिस्प्लेचा आकार आणि रीफ्रेश रेट तोच आहे, परंतु त्यात कॉर्निंग गोरिल्ला ग्लास 7i सह प्रोटेक्टेड कर्व्ड AMOLED पॅनेल देण्यात आला आहे.

हेदेखील वाचा- Inflight Internet: हजारो फुटाच्या उंचीवरून इंटरनेटचा आनंद! काय आहे इनफ्लाइट इंटरनेट, कशी झाली सुरुवात? जाणून घ्या

चिपसेट – iTel S25 Ultra मध्ये Unisoc T620 चिपसेट उपलब्ध असेल.

कॅमेरा – फोटोग्राफीसाठी, यात 32-मेगापिक्सेल सेल्फी आणि 50MP मुख्य रियर कॅमेरा आहे.

फीचर्स – सुरक्षेसाठी इन-डिस्प्ले फिंगरप्रिंट सेन्सर देखील उपलब्ध आहे. अल्ट्रा आवृत्तीमध्ये IP64 चे वॉटर रेझिस्टन्स रेटिंग आहे, ज्यामुळे ते धूळ आणि पाण्यापासून सुरक्षित होते.

किंमत आणि उपलब्धता

Itel S25 ची 8GB/128GB व्हेरियंटची सुरुवातीची किंमत PHP 5,799 (सुमारे USD 110) आहे, तर S25 Ultra च्या 8GB/ 256GB सुरुवातीची किंमत PHP 10,999 (सुमारे USD 210) आहे. itel S25 देशात प्री-ऑर्डरसाठी उपलब्ध झाला आहे, परंतु S25 अल्ट्रा 10 नोव्हेंबरपासून उपलब्ध होईल. S25 ब्रोमो ब्लॅक, मॅम्बो मिंट आणि डेझर्ट ग्लेम रंगांमध्ये येतो. S25 Ultra मेटियोर टाइटेनियम, ब्रोमो ब्लॅक आणि कोमोडो ओशन सारखे रंगांत उपलब्ध आहेत.