Meta AI भारतात लाँच, व्हॅट्सऍपवर याचा वापर कसा करावा? जाणून घ्या

मेटाने नुकताच आपला AI चॅटबॉट भारतात लाँच केला आहे. यूजर्सना याचा फार फायदा होणार असून, या AI चॅटबॉटचा यूजर्स सर्व ऑनलाईन प्लॅटफॉर्म्सवर वापर करू शकता. आता व्हॅट्सऍपवर याचा योग्यप्रकारे वापर कसा करावा यासाठीच्या काही स्टेप्स जाणून घ्या.

मेटाने भारतात आपला AI चॅटबॉट रोलआऊट करण्यास सुरवात केली आहे. त्यामुळेच आता भारतीय यूजर्स मेटाचा AI चॅटबॉट विनामूल्य अगदी मोफत वापरू शकणार आहेत. आता यूजर्स हा फेसबुक व्यक्तिरिक्त कोणत्याही ऑनलाईन प्लॅटफॉर्मवर जसे की व्हॅट्सऍप, इंस्टग्रामवर याचा वापर करू शकतात, तेही कोणतेही पैसे खर्च न करता.

मेटाच्या या AI चॅटबॉटची खास गोष्ट ही आहे की, हा यूजर्सना टेक्स्ट व्यतिरिक्त फोटोज जनरेट करण्याचा ओप्शनही उपलब्ध करून देतो. ज्याच्या मदतीने यूजर्स त्यांचे काम अधिक चांगल्या प्रकारे करू शकतील. आता व्हॅट्सऍपवर या AI चॅटबॉटचा वापर कसा करावा, याविषयी आम्ही सविस्तर सांगणार आहोत.

व्हॅट्सऍप कसा वापरावा AI चॅटबॉट?

जेव्हा तुम्ही सर्चबारमध्ये टाइप करता तेव्हा तुम्हाला रिजल्स प्रदर्शित होतात, यावेळी तुम्ही मेटा AI ला प्रश्न विचारू शकता. जोपर्यंत तुम्ही मेटा AI ला प्रश्न विचारात नाहीत तोपर्यंत तो तुमच्या मेसेजशी कनेक्ट होत नाही. यासाठी तुम्ही व्हॉट्सॲपवर सर्च फीचर वापरणे सुरू ठेवू शकता आणि चॅटमधील मेसेज, फोटो, व्हिडिओ, लिंक्स, GIF, ऑडिओ, पोल आणि डॉक्युमेंट्स शोधण्यासाठी सर्च बारवर जाऊ शकता. यामुळे तुमच्या पर्सनल चॅटचे कोणतेही नुकसान होत नाही.

मेटा AI चा वापर करून सर्च कसे करावे?

• तुमच्या चॅट लिस्टच्या वरच्या बाजूस सर्च फिल्ड ऑप्शन असेल, त्यावर क्लिक करा
• सुचवलेल्या प्रॉम्प्टवर टॅप करा किंवा तुमचा स्वतःचा प्रॉम्प्ट टाइप करा आणि नंतर सेंड बटणावर किल्क करा
• तुम्ही प्रॉम्प्ट टाइप करताच, तुम्हाला ‘Meta AI ला प्रश्न विचारा’ सेक्शनमध्ये सर्चशी निगडित काही सूचना दिसतील
• जर विचारले तर सेवाच्या सर्व अटी वाचा आणि स्वीकारा
• यांनतर सर्चशी निगडित सूचनेवर टॅप करा