आता क्रेडीट कार्डने करा UPI पेमेंट, ही आहे लिंक करण्याची सोपी प्रोसेस! जाणून घ्या सविस्तर

यूपीआयद्वारे क्रेडिट कार्ड पेमेंट करण्याचे अनेक फायदे आहेत. सध्या फक्त RuPay क्रेडिट कार्ड यूपीआयसोबत लिंक केले जाऊ शकतात. यूपीआयद्वारे क्रेडिट कार्ड पेमेंट करणे खूप सोपे आहे, परंतु तुम्ही तुमच्या खर्चावर नियंत्रण ठेवा.

ऑनलाईन व्यवहारांची संख्या प्रचंड वाढली आहे. कॅश बाळगणं, सुट्टे पैसे, या सर्व समस्यांवर उपाय म्हणून आता बरेच लोकं यूपीआयचा वापर करत आहेत. दिवसेंदिवस यूपीआय युजर्सच्या संख्येत मोठ्या प्रमाणात वाढ होत असल्याचं पाहायला मिळत आहे, ज्यामुळे यूपीआय व्यवहारांच्या संख्येत देखील मोठ्या प्रमाणात वाढ झाली आहे. डिसेंबर 2024 मध्ये, UPI व्यवहारांची संख्या 16.73 अब्ज झाली आहे, जी मागील महिन्याच्या तुलनेत 8 टक्क्यांनी अधिक आहे. डिजिटल पेमेंटचा वापर झपाट्याने वाढत आहे.

अरे देवा! iPhone 16 युजर्सची नवीन समस्या, ॲपलच्या कम्युनिटी डिस्कशन पेजवर तक्रारींचा महापूर

यूपीआय ॲप्सचा आता आणखी एक फायदा आम्ही तुम्हाला सांगणार आहोत. यूपीआय ॲप्सच्या मदतीने आता तुम्ही क्रेडिट कार्ड पेमेंट देखील करू शकता. यामुळे पैशांचे व्यवहार अधिक सोपे होतील. यासाठी तुम्हाला काही सोप्या स्टेप्स फॉलो कराव्या लागणार आहेत. ज्यामुळे तुम्ही तुमचे क्रेडिट कार्ड यूपीआयसोबत लिंक करू शकाल आणि त्यानंतर तुम्ही यूपीआय ॲप्सव्दारे क्रेडिट कार्ड पेमेंट देखील करू शकाल. (फोटो सौजन्य – pinterest)

तुमचे क्रेडिट कार्ड यूपीआयशी कसे लिंक करावे

• सर्वप्रथम, तुम्हाला तुमच्या फोनवर कोणतेही यूपीआय ॲप डाउनलोड करावे लागेल.
• त्यानंतर, त्या ॲपवर जाऊन तुम्हाला तुमचे क्रेडिट कार्ड जोडावे लागेल.
• तुम्हाला तुमचा कार्ड नंबर, CVV आणि एक्सपायरी डेट टाकावी लागेल.
• त्यानंतर तुमच्या मोबाईल नंबरवर एक OTP येईल, जो तुम्हाला फील करावा लागेल.
• आता तुम्ही तुमचा यूपीआय आयडी तयार करू शकता.
• या आयडीचा वापर करून तुम्ही पैसे पाठवू शकता, पैसे घेऊ शकता आणि बिले देखील देऊ शकता.

यूपीआयद्वारे क्रेडिट कार्ड पेमेंट कसे करावे?

• आता तुम्ही यूपीआय द्वारे क्रेडिट कार्डद्वारे सहज पेमेंट करू शकता.
• तुम्ही QR कोड स्कॅन करू शकता किंवा ‘फोन नंबरद्वारे पैसे द्या’ किंवा ‘संपर्कांद्वारे पैसे द्या’ यासारखे पर्याय निवडू शकता.
• रक्कम प्रविष्ट केल्यानंतर, पेमेंट पद्धत म्हणून तुमचे क्रेडिट कार्ड निवडा.
• तुमचा यूपीआय पिन एंटर करा आणि पेमेंट पूर्ण करा.

सध्या फक्त RuPay क्रेडिट कार्ड यूपीआयसोबत लिंक केले जाऊ शकतात. पंजाब नॅशनल बँक, युनियन बँक ऑफ इंडिया, स्टेट बँक ऑफ इंडिया, एचडीएफसी बँक, कॅनरा बँक, ॲक्सिस बँक, कोटक महिंद्रा बँक, येस बँक, एसबीआय कार्ड्स, आयसीआयसीआय बँक, आयडीएफसी बँक आणि इंडसइंड बँक यासारख्या अनेक बँका ही सुविधा देतात. RuPay कार्ड BHIM, Paytm आणि Google Pay सारख्या लोकप्रिय यूपीआय ॲप्सशी जोडले जाऊ शकतात. ज्यामुळे तुमचा ऑनलाईन व्यवहार अधिक सोपा होतो.

फायदे काय आहेत?

यूपीआयद्वारे क्रेडिट कार्ड पेमेंट करण्याचे अनेक फायदे आहेत. तुम्ही त्वरित पैसे पाठवू शकता आणि सहज पेमेंट करू शकता. यासाठी कोणतेही अतिरिक्त शुल्क नाही. तुम्हाला प्रत्येक वेळी तुमचा कार्ड क्रमांक टाकण्याची गरज नाही. परंतु, तुम्ही काळजीपूर्वक खर्च करावा आणि क्रेडिट मर्यादा ओलांडू नये. अन्यथा तुम्हाला क्रेडीट कार्डचे जास्तीचे बिल भरावे लागू शकते.

Netflix वर कोरिअन ड्रामा बघायचाय पण भाषेचं टेंशन आलंय? तुमच्या आवडत्या शोसाठी अशा प्रकारे सुरु करा Subtitles

या गोष्टी लक्षात ठेवा

नेहमी मजबूत पासवर्ड वापरा आणि यूपीआय ॲप्स फक्त विश्वसनीय ॲप्सवरूनच डाउनलोड करा. यूपीआयद्वारे क्रेडिट कार्ड पेमेंट करणे खूप सोपे आहे, परंतु तुम्ही नेहमी तुमच्या खर्चावर नियंत्रण ठेवावे. अन्यथा तुमचा फार खर्च होऊ शकतो.