UPI चे नवीन फीचर लाँच! आता दुसऱ्याच्या बँक अकाउंटमधूनही करता येईल पेमेंट, प्रोसेस जाणून घ्या

नुकतेच NPCI ने UPI साठी एक नवीन फीचर आणले आहे. या फीचरद्वारे तुम्ही दुसऱ्याचे बँक अकाउंटमधून आपले पेमेंट करू शकता. यासाठी काय करावे लागेल ते जाणून घ्या.

आता UPI पेमेंट करण्यासाठी तुम्हाला बँक अकाउंटची गरज भासणार नाही. तसेच, तुम्ही इतरांच्या बँक अकाउंटमधूनही UPI पेमेंट करू शकता. नॅशनल पेमेंट कॉर्पोरेशन ऑफ इंडिया (NPCI) ने अलीकडे डेलीगेट पेमेंट सिस्टम UPI सर्कल सादर केले आहे. हे फिचर लवकरच Google Pay, PhonePe, Paytm सारख्या UPI पेमेंट ॲप्सवर येईल. सध्या हे फीचर BHIM UPI ॲपवर लाइव्ह झाले आहे.

UPI सर्कल ही एक डेलिगेटेड पेमेंट सर्विस आहे, ज्यामध्ये UPI युजर त्याचे कुटुंबातील सदस्य किंवा नातेवाईक आणि मित्रांना जोडू शकतो. यामध्ये अशा लोकांचाही समावेश असू शकतो ज्यांचे स्वतःचे बँक अकाउंट देखील नाही. UPI पेमेंट सिस्टम लवचिक बनवून, NPCI ने हे फिचर खासकरून कुटुंबातील सदस्यांसाठी आणले आहे जे रोख रकमेसाठी दुसऱ्यावर अवलंबून आहेत. UPI सर्कलमध्ये जोडल्यानंतर, ते UPI पेमेंट देखील करू शकतील.

टेक संबंधित बातम्या वाचण्यासाठी इथे क्लिक करा

UPI सर्कलमध्ये, युजर्स दोन प्रकारचे डेलिगेशन वापरू शकतात – पूर्ण आणि आंशिक. संपूर्ण डेलिगेशनमध्ये, युजर्सला 15,000 रुपयांपर्यंत मंथली लिमिट सेट करण्याचे स्वातंत्र्य आहे. याचा अर्थ असा की तुमच्या मंडळात जोडलेले इतर युजर्स एका महिन्यात जास्तीत जास्त 15,000 रुपये पेमेंट करू शकतात. पेमेंट करण्यासाठी, त्यांना प्रायमरी युजरकडून म्हणजे तुमच्याकडून पेमेंट परमिशन घेण्याची आवश्यकता नाही.

पार्शियल डेलिगेशनमध्ये, UPI सर्कलमध्ये कनेक्ट केलेल्या सर्व सेकंडरी युजर्सना प्रत्येक व्यवहारासाठी मंजुरी आवश्यक आहे. सेकंडरी युजरने एखाद्याला UPI पेमेंट करताच, प्राथमिक युजरला पेमेंट सूचना प्राप्त होईल. प्रायमरी युजर त्याचा UPI पिन टाकून हे पेमेंट मंजूर करेल. हे देखील लक्षात ठेवले पाहिजे की प्रायमरी युजर तो मानला जाईल जो UPI सर्कल क्रिएट करेल. कोणताही UPI युजर फक्त एका UPI Circle मध्ये राहू शकतो.

टेक संबंधित बातम्या वाचण्यासाठी इथे क्लिक करा

UPI Circle कसे वापरावे?

हे फिचर वापरण्यासाठी, प्रायमरी आणि सेकंडरी युजरने फोनमध्ये BHIM UPI ॲप असणे आवश्यक आहे. तसेच, दोघांचे UPI अकाउंट असावे. यामध्ये प्रायमरी युजरचे बँक अकाउंट असणे बंधनकारक आहे.
प्रायमरी युजर: सर्वप्रथम तुमच्या फोनमध्ये BHIM UPI ॲप लाँच करा

• यानंतर त्यांना होम पेजवर UPI सर्कलचे फीचर दिसेल
• जर तुम्ही सर्कल तयार करत असाल तर क्रिएटेड ऑप्शनवर जा आणि तुम्हाला कोणी ॲड केले असेल तर रिसिव्ह्ड ऑप्शनवर जा
• लक्षात ठेवा जो UPI सर्कल तयार करेल तो प्रायमरी युजर मानला जाईल. पुढील पेजवर तुम्हाला Add Family or Friends चा पर्याय मिळेल
• येथे तुम्ही क्यूआर कोड स्कॅन करून किंवा मॅन्युअली UPI आयडी टाकून एखाद्याला UPI सर्कलमध्ये जोडू शकाल