यंदाच्या पावसाळ्यात वापरा स्मार्ट छत्री! धमाकेदार फीचर्ससह मिळेल बरंच काही

प्रसिद्ध टेक कंपनी Xiaomi लवकरच आपली नवीनतम स्मार्ट छत्री लाँच करणार आहे. अनेक फीचर्ससह या छत्रीची नक्की किंमत किती आणि ही छत्री कधी लाँच होणार जाणून घ्या.

नुकताच पावसाळा ऋतू सुरु झाला आहे. या ऋतूत सर्वात जास्त आपल्याला कोणत्या गोष्टीची गरज भासत असेल तर ती म्हणजे छत्री. पावसाळा सुरु होताच अनेकांची छत्री घेण्याची तयारी सुरु होते. मात्र तुम्हाला माहित आहे का? आता बाजारात अशी तशी छत्री नाही तर एक नवीन स्मार्ट छत्री लवकरच लाँच होणार आहे. Xiaomi कंपनीने आपली नवीनतम स्मार्ट छत्री क्राऊडफंडिंग प्लॅटफॉर्म Xiaomi Youpin वर आणली आहे.

काही काळानंतर ही छत्री क्राऊडफंडिंग जमा करेल आणि त्यानंतर ही छत्री लाँच करण्यात येईल. क्राऊडफंडिंग सुरु असल्याकारणाने या छत्रीची किंमत सवलतीत ठेवण्यात आली आहे. मात्र एकदा का ही स्मार्ट छत्री लाँच झाली की तिची किंमत वाढवण्यात येईल.

काय आहेत स्मार्ट छत्रीची वैशिष्ट्ये?

• ही एक अशी छत्री आहे, जी चार्जिंगवर चालते. या छत्रीला एकदा चार्ज केले की ती एकूण 180 दिवसांपर्यंत चालते, असा दावा करण्यात आला आहे
• ही एक वन टच छत्री आहे, या अनोख्या फिचरमुळेच ही छत्री दोन सेकंदातच उघडली जाते
• तसेच या छत्रीला बंद होण्यासाठीही फक्त दोन सेकंद लागतात
• या छत्रीच्या कोपऱ्यांवर लाइट बसवण्यात आल्या आहेत, त्यामुळे रात्री उंधाराच्या वेळी तुम्ही या लाइट्सचा वापर करू शकता
• ही छत्री खास ऍल्युमिनियम एलॉय फ्रेमने तयार करण्यात आली आहे, ज्यामुळे सोसाट्याचा वारा वाहिला तरीही ही छत्री आहे तशीच राहते, ती उलटी होत नाही

स्मार्ट छत्रीची किंमत काय?

Xiaomi ने स्मार्ट फीचर्ससह नवीन छत्री आणली आहे. Xiaomi ने Risetime सह एकत्र येत ही स्मार्ट छत्री Youpin या क्राऊडफंडिंग प्लॅटफॉर्मवर लिस्ट केली आहे. या छत्रीची एकूण किंमत 129 युआन म्हणजेच 1500 रुपये इतकी असणार आहे. मात्र लाँच नंतर या छत्रीची किंमत निश्चितच वाढेल. ही किंमत नक्की किती वाढेल? हे अद्याप कंपनीने स्पष्ट केले नाही. कंपनीचा दावा आहे की, ही छत्री चार्ज केल्यानंतर 150 वेळा उघडता आणि बंद करता येऊ शकते.