श्रावणातील शेवटच्या शनिवारी शनिशिंगणापूर गजबजले; दर्शनासाठी लांबच लांब रांगा

गोपाळकाला आणि श्रावणातील शेवटच्या शनिवारी शनिशिंगणापूर येथे भक्तीचा उत्साह पाहायला मिळत आहे. पहाटेपासूनच शनिदेवाच्या दर्शनासाठी भाविकांच्या लांबच लांब रांगा लागल्या असून, लाखो भाविकांनी दर्शन घेत तेलाचा अभिषेक केला. भाविकांची मोठी गर्दी लक्षात घेता प्रशासनाकडून सुरक्षा आणि वाहतूक व्यवस्थेसह चोख नियोजन करण्यात आले आहे.