रविवार, 18 ऑक्टोबर 2026
(फोटो सौजन्य: X)
जहाज पाण्यात कसे बुडाले?
‘द टेलीग्राफ’ रिपोर्टनुसार, सिंगापूरचे ध्वज असलेले ‘जीएफएस प्राईड’ नावाचे मालवाहू जहाज १३ ऑक्टोबर २०२६ रोजी होर्मुझच्या सामुद्रधुनीतून प्रवास करत होते. यावेळीच जहाजावर एका अज्ञात वस्तूने हल्ला करण्यात आला. यानंतर जहाजाला आग लागली आणि तो समुद्रात बुडाला. सिंगापूरच्या सागरी प्रशासनानुसार, जहाजावर उपस्थित सर्व २१ क्रू मेंबर्स सुरक्षित यातून बाहेर पडले आहेत. या घटनेत कुणीही जखमी झाल्याची बातमी समोर आलेली नाही. तथापि, जहाजाचे यात किती नुकसान झाले आणि या घटनेमुळे जहाजातील किती सामान समुद्रात वाहून गेले याची अधिकृत माहिती समोर आलेली नाही.
🇮🇷 The Strait of HORMUZ has become the world’s most dangerous APPLE STORE After the container ship GFS Pride sank with more than 2,500 containers aboard, Iranian fishermen have been heading out to sea to collect floating iPhones, French perfumes and whatever else the Gulf has… — Mario Nawfal (@MarioNawfal) October 16, 2026
जहाज बुडाल्यानंतर समुद्राच्या पाण्यात तरंगणाऱ्या लग्झरी वस्तूंचा व्हिडिओ सोशल मिडियावर व्हायरल होत आहे. रिपोर्ट्सनुसार, काही इराणी मच्छिमार आणि बोट चालवणारे जहाजाच्या जवळपास होते. सांगितले जात आहे की, त्यांनी पाण्यात उडी मारुन पाण्यातून आयफोन, परफ्यूम आणि इतर वस्तू उचलल्या. व्हायरल व्हिडिओमध्ये काही लोक समुद्राच्या पाण्यात उतरुन सामान गोळा करताना दिसले. या घटनेबद्दल अनेक वेगवेगळ्या प्रकारचे दावे केले जात आहेत. सिंगापूर प्रशासनाने सांगितले आहे की, जहाजाला क्षेपणास्त्राचा फटका बसला होता. तर दुसरीकडे, इराणच्या रिव्होल्यूशनरी गार्ड्सने दावा केला आहे की, जहाज एका सागरी सुरुंगावर आदळले होते.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
