Men Doing Garba in Saree: २०० वर्षांपूर्वीच्या शापाची अनोखी परंपरा! पुरुषांनी साडी नेसून केला गरबा; अहमदाबादचा अनोखा Video Viral

गुजरातमधील अहमदाबाद येथील एका अनोख्या परंपरेने सर्वांचे लक्ष वेधून घेतले आहे. येथील सदू माता नी पोळ परिसरातील पुरुष दरवर्षी साड्या नेसून गरबा करतात.

• २०० वर्षांपूर्वीच्या शापाची अनोखी परंपरा!
• पुरुषांनी साडी नेसून केला गरबा
• अहमदाबादचा अनोखा Video Viral

Men Doing Garba in Saree: नवरात्रीच्या पवित्र सणात गरब्याचे अनेक रंग पाहायला मिळतात, पण गुजरातमधील अहमदाबाद येथील एका अनोख्या परंपरेने सर्वांचे लक्ष वेधून घेतले आहे. येथील सदू माता नी पोळ परिसरातील पुरुष दरवर्षी साड्या नेसून गरबा करतात. हा फक्त एक गरबा नाही, तर २०० वर्षांच्या जुन्या परंपरेची ही कहाणी आहे. अलीकडेच या विधीचा एक व्हिडिओ सोशल मीडियावर व्हायरल झाला, ज्यामुळे सर्वत्र तो चर्चेचा विषय बनला आहे.

ही २०० वर्षांची अनोखी परंपरा काय आहे?

स्थानिक कथेनुसार, सुमारे २०० वर्षांपूर्वी सदुबेन नावाच्या एका महिलेने एका मुघल सरदारापासून स्वतःचे रक्षण करण्यासाठी बारोट समुदायाच्या पुरुषांकडून मदत मागितली होती. पण ते तिचे रक्षण करण्यात अपयशी ठरले. या घटनेमुळे संतप्त आणि दुःखी झालेल्या सदुबेनने पुरुषांना शाप दिला की त्यांच्या भावी पिढ्या भित्र्या असतील. त्यानंतर तिने सती केली.

See more