बुधवार, 14 ऑक्टोबर 2026
(फोटो सौजन्य: Instagram)
काय आहे संपूर्ण प्रकरण?
वीरमणि एक सोशल मिडिया क्रिएटर असून त्याची चांगली फॅन फाॅलोविंग आहे. त्याने विचार केला की, यंदाच्या दिवाळीत फाॅलोवर्सकडून थोडे प्रेम आणि मिठाईची मागणी करावी ज्यासाठी त्याने आपला फोन नंबर आणि घरचा पत्ता ऑनलाईन शेअर केला. मग काय, पत्ता शेअर होताच फाॅलोअर्सने मिठाईऐवजी महागडे गिफ्ट्स वीरमणिच्या घरी पाठवण्यास सुरुवात केली. मुख्य म्हणजे, फाॅलोअर्सने सामानाची ऑर्डर तर केली पण त्याचे पेमेंट मात्र कॅश ऑन डिलिव्हरी (COD) ठेवले. यामुळे वीरमणिच्या घरी टीव्ही, फ्रिज, वाॅशिंग मशीन अशा महागड्या वस्तू डिलिव्हर होऊ लागल्या आणि डिलिव्हरी एजंट त्याच्याकडे पैशांची मागणी करु लागला. या सर्व सामानाची किंंमत तब्बल १.६९ लाख रुपये असल्याचे सांगितले जात आहे.
View this post on Instagram
त्रस्त झाला सोशल मिडिया क्रिएटर
परिस्थिती जेव्हा हाताबाहेर गेली आणि घरी येणाऱ्या पार्सल्सची संख्या जेव्हा काही केल्या कमीच होत नव्हती तेव्हा वीरमणि या सर्व गोष्टींना कंटाळून गेला. शेवटी त्याने सोशल मिडियावर एक नवा व्हिडिओ शेअर केला ज्यात हात जोडून त्याने यूजर्सकडे एक विनवणी केले. यात त्याने म्हटले की, “भावांनो, तुम्ही हे का करत आहात? डिलिव्हरी करणारे लोक खूप लांबून येत आहेत. त्या सर्वांना पैसे द्यायला माझ्याकडे पुरेसे पैसे नाहीत… कृपया, हे थांबवा.” तथापि, यानंतरही जेव्हा काही खोडकर यूजर्सने चुकीचे ऑर्डर्स करणे थांबवले नाही तेव्हा वीरमणिने आपला जीव वाचवण्यासाठी आणि शांतता मिळवण्यासाठी शहर सोडून जावे लागेल, असे जाहीर केले.
टीप : या घटनेशी संबंधित माहिती सोशल मीडियावर शेअर करण्यात आलेल्या पोस्ट आणि व्हिडीओवर आधारित आहे. त्यातील सर्व दाव्यांची स्वतंत्रपणे पडताळणी झालेली असल्याचे निश्चितपणे सांगता येत नाही.
