Typhoon Kalmaegi : फिलिपिन्समध्ये नैसर्गिक आपत्तीची पुन्हा जोरदार धडक ; कालमेगी वादळाने घेतला ६६ जणांचा बळी

Philippines typhoon Kalmaegi Update : फिलिपिन्समध्ये पुन्हा एकदा नैसर्गिक आपत्तीने जोरदार धडक दिली आहे. वादळ कालमेगीने फिलिपिन्समध्ये प्रचंड विध्वंस घडवला असून ६६ जणांचा मृत्यू झाल्याचे वृत्त समोर आले आहे.

• फेंगशेन वादळानंतर फिलिपिन्समध्ये कालमेगी वादळाचा कहर
• ६६ जणांचा भयकंर वादळात मृत्यू
• परिस्थिती अजूनही बिकट

Philippines Kalmaegi Storm : मनिला : फेंगशेन वादळानंतर आता कालमेगी वादळाने फिलिपिन्समध्ये कहर माजवला आहे.  या वादळाने ६६ जणांचा बळी घेतला आहे, तर २६ जण अजूनही बेपत्ता आहेत. अनेकांचा पूरात वाहून मृत्यू झाला आहे. सध्या मदत आणि बचाव कार्य सुरु आहे. बचाव अधिकाऱ्यांनी दिलेल्या माहितीनुसार, कालमेगीमुळे फिलिपिन्समध्ये मदत पोहोचवण्यात अडचणी येत आहे. यादरम्यान ६ मदत सैनिकांचाही मृत्यू झाला आहे. परिस्थिती अत्यंत बिकट आहे. यापूर्वी भूकंप आणि फेंगशेन वादळाने कहर माजवला होता. त्यातून सावरत असतानाचा या नव्या वादळाने विध्वंस घडवला आहे.

Philippines Earthquake : वादळातून सावरता सावरता बसला तीव्र भूंकपाचा धक्का; फिलिपिन्समध्ये प्रचंड विध्वंस अन् मृत्यूचा तांडव

पूर आणि भूस्खलनामुळे प्रचंड विध्वंस

मीडिया रिपोर्टनुसार, फिलिपिन्सच्या दक्षिण अगुसान डेल सुर प्रांतात वादळामुळे एक हेलिकॉप्टर कोसळले. हे हेलिकॉप्टर लोकांना मदत पोहोचवण्यासाठी रवाना झाले होते, परंतु वादळामुळे विमान कोसळले असून विमानातील सहा सैनिकांचा मृत्यू झाला आहे. वादळामुळे अछानक पूर आणि नद्यांच्या पाण्याच्या पातळी वाढल्या आहेत.

तसेच भूस्खलनामुळेही मोठ्या प्रमाणात जीवितहानी झाली आहे. पुरामुळे निवासी भाग पूर्णपणे पाण्याखाली गेली आहे. यामुळे लोकांमध्ये प्रचंड घबराट पसरली आहे. लोक जीव वाचवण्यासाठी घरांच्या छतावर चढले आहेत. सध्या रेड अर्लट जारी करण्यात आला आहे. परंतु धोका वाढत असल्याने आपत्कालीन कर्मताऱ्यांना पाण्याची पातळी कमी होईपर्यंत वाट पाहावी लागणार आहे.

सध्या परिस्थिती बिकट होत चालली असून सेबूत्या गव्हर्नर पामेला बारिकुत्रो यांनी लोकांना वाचवण्यासाठी प्रयत्न सुरु असल्याचे म्हटले आहे. पण अचानक पूर आणि भूस्खलनामुळे परिस्थिती बिघडली आहे. सर्वात जास्त प्रभाव सेबू प्रांतात झाला आहे. आतापर्यंत ७९ लोक मृत्यूमुखी पडले आहेत, तर हजारो लोक स्थलांतरित झाले आहे.

फिलिपिन्समध्ये भूकंप अन् वादळाचा कहर सुरुच 

कालमेगी वादळापूर्वी फिलिपिन्समध्ये ऑक्टोबरमध्ये ( दि. २०)  फेंगशेन वादळाने कहर माजवला होता. या वादळाने ७ जणांचा बळी घेतला होता.  तसेच १४ हजाराहून अधिक लोक बेघर झाले होते. याशिवाय फेंगशेन वादळाच्या काही आठवड्यांपूर्वी ३० सप्टेंबर रोजी  फिलिपिन्समध्ये ६.९ तीव्रतेचा भूकंप झाला होता.  यामुळे ७२ लोकांचा मृत्यू झाला आहे, तर २०० हून अधिक लोक जखमी झाले होते. तर त्या आधी बुआलोई वादळाने कहर माजवला होता.

FAQs(संबंधित प्रश्न)

प्रश्न १. फिलिपिन्समध्ये पुन्हा कोणती नैसर्गिक आपत्ती आली आहे?

फिलिपिन्समध्ये फेंगशेन वादळानंतर कालमेगी वादळाने कहर माजवला आहे.

प्रश्न २. फिलिपिन्समध्ये कालमेगी वादळाने किती जणांचा बळी घेतला?

फिलिपिन्समध्ये कालमेगी वादळाने ६६ जणांचा बळी घेतला आहे, तर २६ जण अजूनही बेपत्ता आहेत.

Typhoon Fengshen : भूकंपानंतर आता फिलिपिन्समध्ये फेंगशेन वादळाचा कहर; ७ जणांचा मृत्यू, हजारो लोक बेघर