गुरुवार, 15 ऑक्टोबर 2026
Chicago Temple : अमेरिका हादरली! शिकागोत हिंदू मंदिरावर हल्ल्याचा प्रयत्न; १९ वर्षांच्या 'नव-नाझी' तरुणाला शस्त्रास्त्रांसह अटक ( फोटो सौजन्य : सोशल मीडिया )
अमेरिकेतून (Chicago Temple) एक अत्यंत थरकाप उडवणारी आणि मन सुन्न करणारी बातमी समोर आली आहे. शिकागो शहरापासून सुमारे ७० किलोमीटर अंतरावर असलेल्या अरोरा (Aurora) भागातील एका प्रसिद्ध हिंदू मंदिराला लक्ष्य करून मोठा सामूहिक गोळीबार करण्याचा भीषण कट आखण्यात आला होता. नवरात्रीचा पवित्र उत्सव सुरू होण्याच्या अगदी पूर्वसंध्येला हा हल्ला करण्याचे आरोपीचे नियोजन होते. मात्र, सुदैवाने आरोपीने बंदुकीचा ट्रिगर ओढताच त्याची रायफल तांत्रिक बिघाडामुळे अडकली (Jammed) आणि एक मोठा नरसंहार टळला. या घटनेमुळे अमेरिकेतील भारतीय आणि हिंदू समाजात तीव्र भीतीचे आणि चिंतेचे वातावरण पसरले आहे.
स्थानिक पोलिसांकडून मिळालेल्या माहितीनुसार, अटक करण्यात आलेल्या १९ वर्षीय संशयिताचे नाव अलेक्झांड्रोस पापोराकिस (Alexandros Paporakis) असे आहे. आरोपीने स्वतःची ओळख ‘श्वेतवर्णीय वर्चस्ववादी’ (White Supremacist) आणि ‘नव-नाझी’ (Neo-Nazi) कट्टरपंथी विचारांचा समर्थक म्हणून दिली आहे. तो गेल्या काही दिवसांपासून अरोरा परिसरातील हिंदू मंदिरांवर पाळत ठेवून होता. धार्मिक उत्सवाच्या काळात मंदिरात भाविकांची मोठी गर्दी असते, हीच संधी साधून जास्तीत जास्त लोकांना लक्ष्य करण्याचा त्याचा भयंकर इरादा होता.
जागतिक घडामोडी संबंधित बातम्या वाचण्यासाठी येथे क्लिक करा : China Virus: Wuhan 2.0 ची भीती! कोरोना सोडाच, चीनने महासागरात शोधले 11,700 नवीन विषाणू; जाणून घ्या जगासाठी ते किती धोकादायक?
हल्ल्याचा प्रयत्न अपयशी ठरल्यानंतर आरोपी अलेक्झांड्रोस घटनास्थळावरून पळून गेला. त्यानंतर रविवारी त्याने एका फास्ट-फूड रेस्टॉरंटमध्ये काम करणाऱ्या आपल्या सहकाऱ्याला मेसेज पाठवून फोन करण्यास सांगितले. फोनवरील संभाषणात त्याने उघड केले की, तो मंदिरात गोळीबार करण्यासाठी गेला होता, परंतु त्याची रायफल चालली नाही. इतकेच नाही तर, “हिंदूंना आणि भारतीयांना ठार मारण्याची हीच योग्य वेळ आहे आणि मी आता थांबू शकत नाही,” अशा हिंसक भावना त्याने व्यक्त केल्या.
🚨 19-YEAR-OLD ARRESTED IN US OVER ALLEGED PLOT TO ATTACK HINDU TEMPLE Alexandros Paporakis (19) of Palatine, Illinois has been arrested for allegedly plotting a mass shooting targeting a Hindu place of worship in the Aurora area near Chicago. Authorities recovered a white supremacist manifesto containing references to violence against people of Indian descent. A Cook County judge ordered him detained with the next court hearing set for October 30. #US #Chicago #Aurora #HinduTemple https://t.co/Q5LSyQWbXf — contentkikamii (@contentkikamii) October 15, 2026
credit – social media and Twitter
त्याच्या सहकाऱ्याने या संभाषणाचे गांभीर्य ओळखून अजिबात विलंब न करता तातडीने माउंट प्रॉस्पेक्ट पोलीस ठाण्यात या घटनेची माहिती दिली. पोलिसांनी सूत्रांचे जाळे विणून पॅलाटाईन येथील आरोपीच्या घराबाहेर सापळा रचला आणि त्याला अटक केली. रोलिंग मेडोज काउंटी न्यायालयात हजर केले असता, न्यायाधीशांनी आरोपीला ३० ऑक्टोबरपर्यंत न्यायालयीन कोठडी सुनावली आहे.
जागतिक घडामोडी संबंधित बातम्या वाचण्यासाठी येथे क्लिक करा : US-Iran Conflict: अमेरिका इराणवर करणार ‘मदर ऑफ ऑल बॉम्ब्स’चा वापर? जाणून घ्या काय आहे अमेरिकेची ‘ही’ गुप्त लष्करी योजना
अटक झाल्यानंतर पोलिसांनी आरोपीच्या राहत्या घराची झडती घेतली असता थक्क करणारी माहिती समोर आली. त्याच्या घरातून एक सेमी-ऑटोमॅटिक रायफल, भरलेले मॅगझिन, शेकडो जिवंत काडतुसे आणि बुलेटप्रूफ बॉडी आर्मर जप्त करण्यात आले. या बॉडी आर्मरवर नव-नाझी आणि श्वेतवर्णीय अतिरेकी संघटनांशी संबंधित चिन्हे आणि चित्रे रेखाटलेली होती. पोलीस प्रशासनाने न्यायालयात सांगितले की, “या धोक्याचे गांभीर्य अत्यंत स्पष्ट आहे; जर बंदूक अडकली नसती तर मोठा अनर्थ घडला असता.”
दरम्यान, न्यू यॉर्कमधील भारतीय दूतावासाने या घटनेची गंभीर दखल घेतली आहे. अमेरिकन सुरक्षा यंत्रणांनी आणि स्थानिक पोलिसांनी दाखवलेल्या तत्परतेचे भारतीय दूतावासाने कौतुक केले आहे. तसेच, अमेरिका प्रशासनाकडून परिसरातील सर्व हिंदू मंदिरांची सुरक्षा वाढवण्यात आली असून भारतीय समुदायाला सतर्क राहण्याचे आवाहन करण्यात आले आहे.
Ans: शिकागोजवळील अरोरा (Aurora) येथील हिंदू मंदिरावर अलेक्झांड्रोस पापोराकिस नावाच्या १९ वर्षीय नव-नाझी तरुणाने हल्ल्याचा प्रयत्न केला.
Ans: आरोपीने आपल्या सहकाऱ्याला फोनवर हल्ल्याच्या अपयशी प्रयत्नाबद्दल सांगितले, ज्यानंतर सहकाऱ्याने तातडीने पोलिसांना खबर देऊन त्याला अटक करवली.
Ans: पोलिसांनी आरोपीच्या घरातून एक रायफल, भरलेले मॅगझिन, शेकडो काडतुसे आणि नव-नाझी चिन्हे असलेले बॉडी आर्मर जप्त केले आहे.
