सोमवार, 19 ऑक्टोबर 2026
फोटो सौजन्य सोशल मीडिया
सॅक्सनी अँनहॉल्ट २०२६ विधानसभा निवडणुकीत AFD जवळपास ४४ टक्के मतांसह सर्वात मोठा पक्ष ठरला . पक्षाला ८३ पैकी ३९ जागा मिळाल्या असून बहुमतासाठी आवश्यक असलेल्या ४२ जागांपासून तो तीन जागा दूर आहे . त्यामुळे AFD ला सरकार स्थापन करण्यासाठी इतर आमदारांचा पाठिंबा मिळवावा लागणार आहे .
मात्र जर्मनीच्या मुख्य प्रवाहातील पक्षांनी आतापर्यंत AFD सोबत सत्तेत जाण्याचे धोरण नाकारले आहे . AFD च्या यशामागे स्थलांतर , आर्थिक अडचणी , सुरक्षा आणि पारंपरिक राजकीय पक्षविरोधात नाराजी हे महत्वाचे मुद्दे असल्याने विश्लेषण केले जात आहे . पक्षाने स्थलांतरवर कठोर भूमिका घेत मतदारांमध्ये आपला प्रभाव वाढवला आहे .
Gaza Tragedy : शाळेच्या पहिल्याच दिवशी चिमुकलीचा मृत्यू; वफा आणि वडील इस्रायली हल्ल्यात ठार
AFD चा प्रभाव अचानक निर्माण झालेला नाही . २०२५ च्या जर्मन निवडणुकीतही AFD ने २०.८ टक्के मते मिळवत दुसऱ्या क्रमांकाचे स्थान मिळवले होते . २०२१ च्या तुलनेत पक्षाच्या मतांमध्ये मोठी वाढ झाली होती . त्यामुळे सध्याच्या राज्य निवडणूक निकाल हा AFD च्या सातत्याने वाढत असलेल्या राजकीय प्रभावाचा पुढचा टप्पा मानला जात आहे .
या निकालामुळे जर्मनीतील पारंपरिक पक्षांमसमोर मोठे आव्हान उभे राहिले आहे . खासकरून स्थलांतर , अर्थव्यवस्था आणि सुरक्षा यांसारख्या मुद्द्यांवर मतदारांचा असंतोष कमी करण्यात मुख्य प्रवाहातील पक्ष कितपत यशस्वी होतात . यावर पुढील राजकीय समीकरणे अवलंबून राहतील .
Gaza : ६२ निष्पाप मुलांसह १०० पॅलेस्टिनींचे मृतदेह दफन; गाझात शोककळा
जर्मनी हा युरोपियन युनियनमधील सर्वात प्रभावशाली देश असल्याने तेथील राजकीय बदलांचा परिणाम इतर देशांवरही होतो . AFD च्या विजयाचे स्वागत युरोपातील काही अति – उजव्या नेत्यांनी केले असले , तरी फ्रान्स आणि पोलंडसह काही देशांतील नेत्यांनी या निकालाबाबत चिंता व्यक्त केली आहे .
युरोपातील अनेक देशांमध्ये स्थलांतर , महागाई , राष्ट्रीय ओळख आणि सरकार विरोधातील नाराजी यामुळे उजव्या आणि लोकानुनयवादी पक्षांना वाढता पाठिंबा मिळत आहे . त्यामुळे AFD चा सध्याचा विजय हा केवळ जर्मनीतील प्रादेशिक निकाल न राहता युरोपातील बदलता राजकीय प्रवाहाचा महत्वाचा संकेत ठरू शकतो .
