शनिवार, 17 ऑक्टोबर 2026
Iran युद्धावरुन लक्ष भरकटवण्याचा प्रयत्न? मेलानिया ट्रम्प यांचा Epstein बाबत मोठा खुलासा, जगभरात खळबळ (फोटो सौजन्य: सोशल मीडिया
०९ एप्रिल २०२६ रोजी मेलानिया ट्रम्प यांनी अचानक एक पत्रकार परिषद बोलावली. यावेळी पत्रकारांना वाटले की इराणमधील युद्धबंदीबाबत काही अपडेट असले. परंतु मेलानिया ट्रम्प यांनी जेफ्री एपस्टीन (Jeffrey Epstein) प्रकरणाबाबत अचानक मौन सोडले. यामुळे संपूर्ण जगभरात खळबळ उडाली असून ट्रम्पही हादरले आहेत.
मेलानिया ट्रम्प यांनी स्पष्ट केले की, त्या एपस्टीन पीडिता नाहीत. त्यांचा किंवा डोनाल्ड ट्रम्प यांचा एपस्टीनशी कोणताही जवळचा संबंध नाही. ते दोघेही केवळ एका सार्वजनिक कार्यक्रमात भेटले होते. मेलानिया यांनी एपस्टीनने त्यांची ट्रम्प यांच्याशी ओळख करुन दिल्याचा दावाही फेटाळला आहे. त्यांची भेट १९९८ च्या एका पार्टीत झाली होती, परंतु एपस्टीनने घडवून आणली नव्हती असे त्यांनी म्हटले. याशिवाय त्यांनी एपस्टीनच्या खाजगी बेटावर गेले नसल्याचे आणि त्याच्यासोबत विमानाने प्रवास केला नसल्याचेही स्पष्ट केले.
आश्चर्याची बाब म्हणजे, राष्ट्राध्यक्ष डोनाल्ड ट्रम्प यांना त्यांच्या पत्नीच्या विधानाबाबत कोणतीही पूर्वकल्पना नव्हती. एका मुलाखती दरम्यान ट्रम्प यांनी म्हटले की, मला माहित नव्हते की ती (मेलानिया ट्रम्प) आज असे काही बोलणार आहे. पण ती एपस्टीनला ओळखत नव्हती हे सत्य असल्याचेही त्यांनी ठामपणे सांगितले. एवढेच बोलून ट्रम्प यांनी तातडीने मुलाखत संपल्याने मोठी खळबळ उडाली.
तज्ज्ञांच्या मते, मेलानिया ट्रम्प यांचे हे विधान अशा वेळी आले आहे जेव्हा अमेरिका इराणसोबतच्या युद्धात अडकली आहे. यावरुन दावा केला जात आहे की इराण युद्धात अपेक्षित यश न मिळाल्याने जगाचे लक्ष भरकटवण्याचा प्रयत्न सुरु आहे, किंवा एपस्टीन प्रकरणाशी संबंधित आणखी काही गुपिते खुली होणार आहे. यामुळे मेलानिया आणि ट्रम्प यांनी आपली बाजू आधीच स्पष्ट करुन ठेवली आहे.
