गुरुवार, 15 ऑक्टोबर 2026
Peshawar School : पाकिस्तानच्या पेशावरमध्ये भीषण दुर्घटना; शाळेचे छत कोसळून २० चिमुकल्यांसह शिक्षिकेचा मृत्यू, अनेक जण गंभीर जखमी ( फोटो सौजन्य : सोशल मीडिया )
पाकिस्तानमधील खैबर पख्तुनख्वा प्रांतातील पेशावर (Peshawar School ) शहरात एक अत्यंत हृदयद्रावक दुर्घटना घडली आहे. पेशावरच्या आफ्रिदी आबाद भागातील ‘अल खैर’ या खाजगी शाळेचे छत अचानक कोसळल्याने २० निष्पाप विद्यार्थ्यांसह एका महिला शिक्षिकेचा मृत्यू झाला. ही धक्कादायक घटना घडली तेव्हा वर्गात मुले नेहमीप्रमाणे आपले धडे गिरवत होती. क्षणार्धात संपूर्ण छत कोसळल्याने वर्गातील विद्यार्थी आणि शिक्षिका ढिगाऱ्याखाली दाबले गेले. या भीषण अपघातामुळे संपूर्ण परिसरात एकच खळबळ उडाली असून पालकांमध्ये प्रचंड घबराट पसरली आहे.
पेशावरमधील लेडी रीडिंग हॉस्पिटलच्या (LRH) प्रशासनाने दिलेल्या माहितीनुसार, या अपघातात प्राण गमावलेल्या २० विद्यार्थ्यांमध्ये १८ मुले आणि २ मुलींचा समावेश आहे. या सर्व चिमुकल्यांचे वय अवघे ७ ते १२ वर्षे दरम्यान होते. या दुर्घटनेत एकूण २१ जण गंभीर जखमी झाले असून त्यांच्यावर तातडीने उपचार सुरू आहेत. रुग्णालयाचे प्रवक्ते मुहम्मद आसिम यांनी सांगितले की, जखमींपैकी किमान ५ जणांची प्रकृती अत्यंत चिंताजनक आहे, ज्यामुळे रुग्णालयात तातडीने आणीबाणी (Emergency) घोषित करण्यात आली आहे.
जागतिक घडामोडी संबंधित बातम्या वाचण्यासाठी येथे क्लिक करा : Chicago Temple : अमेरिका हादरली! शिकागोत हिंदू मंदिरावर हल्ल्याचा प्रयत्न; 19 वर्षांच्या ‘नव-नाझी’ तरुणाला शस्त्रास्त्रांसह अटक
घटना घडल्याची बातमी वाऱ्यासारखी पसरताच स्थानिक रहिवासी आणि ‘रेस्क्यू ११२२’ ची बचाव पथके तातडीने घटनास्थळी दाखल झाली. पेशावरचे उपायुक्त अफक वझीर यांनी सांगितले की, प्रशासनाने तातडीने मदतकार्य सुरू केले आणि ढिगाऱ्याखाली अडकलेल्या मुलांना बाहेर काढण्यासाठी जवानांनी शर्थीचे प्रयत्न केले. दुर्घटनेची माहिती मिळताच शेकडो भीतीग्रस्त पालकांनी शाळेकडे धाव घेतली, ज्यामुळे शाळेबाहेर प्रचंड गर्दी आणि आक्रोशाचे वातावरण निर्माण झाले होते.
Tragedy in Peshawar: 16 students and one teacher were killed after the roof of a private school collapsed in Dir Colony.
A rescue operation is underway, with several still feared to be trapped under the rubble.
#Peshawar #SchoolCollapse #Pakistan #BreakingNews https://t.co/ShXQs0ks9g — Sajjad Tarakzai (@SajjadTarakzai) October 15, 2026
credit – social media and Twitter
या दुर्घटनेत सुदैवाने बचावलेल्या एका विद्यार्थ्याच्या वडिलांनी आपला अनुभव सांगताना डोळ्यात अश्रू आणले. समीउल्लाह नावाच्या पालकाने सांगितले की, “सकाळी सुमारे ८:५० वाजता मला घरून फोन आला आणि मी धावतच ९ वाजेपर्यंत शाळेत पोहोचलो. माझी सहा मुले याच शाळेत शिकतात. जेव्हा मी कोसळलेली इमारत पाहिली, तेव्हा तळमजल्यावर शिकणाऱ्या माझ्या मुलाची आशा मी सोडून दिली होती. परंतु, सुदैवाने दुर्घटना घडण्यापूर्वी अवघ्या काही मिनिटांआधी तो पाणी पिण्यासाठी वर्गाबाहेर गेला होता आणि त्यामुळे त्याचा जीव वाचला.” समीउल्लाह यांनी स्वतः इतर तीन लहान मुलींना ढिगाऱ्याखालून सुखरूप बाहेर काढण्यास मदत केली.
जागतिक घडामोडी संबंधित बातम्या वाचण्यासाठी येथे क्लिक करा : US-Iran Conflict: अमेरिका इराणवर करणार ‘मदर ऑफ ऑल बॉम्ब्स’चा वापर? जाणून घ्या काय आहे अमेरिकेची ‘ही’ गुप्त लष्करी योजना
पाकिस्तानमध्ये इमारती आणि शाळांची छते कोसळण्याच्या घटना नव्या नाहीत. प्रशासकीय अनास्था, सुरक्षेच्या निकषांचे उल्लंघन आणि कंत्राटदारांकडून वापरले जाणारे अतिशय कमी दर्जाचे बांधकाम साहित्य यामुळे अशा जीवघेण्या दुर्घटना वारंवार घडताना दिसतात. काही महिन्यांपूर्वीच, जुलै महिन्यात उमरकोटजवळील एका सरकारी प्राथमिक शाळेच्या बाहेरील भिंतीचा भाग कोसळल्याने तीन निष्पाप मुलींना आपला जीव गमवावा लागला होता. तरीही प्रशासनाने यातून कोणताही धडा घेतलेला नाही, हेच या घटनेवरून पुन्हा एकदा सिद्ध झाले आहे.
दुर्घटना घडल्यानंतर खैबर पख्तुनख्वा (KP) चे राज्यपाल फैसल करीम कुंडी यांनी या घटनेवर तीव्र दुःख व्यक्त केले आहे. निष्पाप मुलांचा अशा प्रकारे जीव जाणे ही अत्यंत दुःखद शोकांतिका असल्याचे सांगत त्यांनी मृतांच्या कुटुंबीयांप्रति संवेदना व्यक्त केल्या. तसेच, त्यांनी या दुर्घटनेची सखोल चौकशी करण्याचे निर्देश दिले असून जबाबदार असणाऱ्यांवर कडक कारवाई करण्याचे आश्वासन दिले आहे. परंतु, दरवेळी घडणाऱ्या अशा चौकशांनंतर प्रत्यक्ष सुधारणा मात्र शून्यच राहतात, अशी संतप्त प्रतिक्रिया स्थानिक नागरिकांमधून उमटत आहे.
Ans: पेशावरच्या आफ्रिदी आबाद भागातील 'अल खैर' शाळेचे छत वर्ग सुरू असताना अचानक कोसळल्याने ही दुर्घटना घडली.
Ans: या दुर्घटनेत ७ ते १२ वयोगटातील २० विद्यार्थी आणि एका महिला शिक्षिकेसह एकूण २१ जणांचा मृत्यू झाला आहे.
Ans: अपघातात २१ जण जखमी झाले असून, त्यापैकी ५ जणांची प्रकृती अत्यंत गंभीर असल्याने रुग्णालयात आणीबाणी जाहीर करण्यात आली आहे.
