गुरुवार, 22 ऑक्टोबर 2026
SCO Tianjin Summit 2025 : SCO शिखर परिषदेत पाहुण्यांचे स्वागत करण्यापासून ते बसवण्यापर्यंत 'रोबोट'च करणार पाहुणचार ( फोटो सौजन्य : सोशल मीडिया)
SCO Tianjin Summit 2025 : चीनमधील तियानजिन शहर रविवारी, ३१ ऑगस्ट रोजी एका ऐतिहासिक क्षणाचे साक्षीदार होणार आहे. शांघाय सहकार्य संघटनेची (SCO) आतापर्यंतची सर्वात मोठी शिखर परिषद येथे होत असून, या परिषदेचे विशेष आकर्षण ठरणार आहे मानवसदृश रोबोट्स. होय, पाहुण्यांचे स्वागत करण्यापासून त्यांना त्यांच्या जागी बसवण्यापर्यंतची जबाबदारी यावेळी कृत्रिम बुद्धिमत्ता (AI) असलेल्या रोबोट्सकडे असेल.
जगभरात अमेरिकेचे राष्ट्राध्यक्ष डोनाल्ड ट्रम्प यांच्या शुल्कनीतीमुळे निर्माण झालेल्या तणावाच्या पार्श्वभूमीवर ही परिषद विशेष महत्त्वाची ठरत आहे. एकीकडे जागतिक राजकारणातले समीकरणं चर्चेत असतील तर दुसरीकडे तंत्रज्ञान आणि सांस्कृतिक वारशाचं सुंदर मिश्रणही पाहायला मिळणार आहे.
या परिषदेतील सर्वात चर्चेचा विषय ठरणार आहे ‘शिआओ हे’ (Xiao He) नावाचा खास रोबोट. हा एक AI सहाय्यक असून, एकावेळी अनेक भाषांमध्ये संवाद साधू शकतो. पत्रकारांशी बोलताना स्वतः शिआओ हे म्हणाला –
“मी शिआओ हे आहे. या वर्षीच्या SCO शिखर परिषदेसाठी खास तयार करण्यात आलेला AI सहाय्यक. माझं काम म्हणजे पाहुण्यांना योग्य माहिती देणं, भाषांतरात मदत करणं आणि त्यांच्या सोयीसाठी तत्काळ उत्तरं देणं.”
या रोबोटमध्ये अशी अत्याधुनिक प्रणाली आहे की तो पाहुण्यांच्या हावभावांना समजू शकतो आणि त्यानुसार प्रतिसादही देतो. थोडक्यात, परिषदेत प्रत्येक पाहुण्याला एक जिवंत मार्गदर्शकच मिळणार आहे, पण तो ‘माणूस’ नसून एक बुद्धिमान रोबोट असेल.
जागतिक घडामोडी संबंधित बातम्या वाचण्यासाठी येथे क्लिक करा : SCO Tianjin Summit 2025 : PM मोदींचे चीनमध्ये ग्रँड वेलकम; जिनपिंग-पुतिन यांच्याशी होणार महत्त्वपूर्ण चर्चा
तंत्रज्ञानाच्या या भव्य प्रदर्शनासोबतच चीन आपली समृद्ध संस्कृतीदेखील जगासमोर मांडणार आहे. तियानजिन येथे खास “सांस्कृतिक वारसा क्षेत्र” (Cultural Heritage Zone) तयार करण्यात आलं आहे. येथे पाहुण्यांना यांगलिउकिंग वुडब्लॉक प्रिंट्स, पारंपारिक चीनी हस्तकला आणि लोककला प्रत्यक्ष अनुभवता येणार आहे. म्हणजेच, या शिखर परिषदेत तंत्रज्ञान आणि परंपरेचं एक अद्वितीय संगम घडणार आहे.
#WATCH | Tianjin, China: The Humanoid Robot, Xiao He says, “I’m Xiao He, a cutting-edge humanoid AI assistant designed for the 2025 Shanghai Cooperation Organisation Summit in Tianjin. As a highly specialised service robot, I provide multilingual support, real-time information… https://t.co/cMnzzxGAPE pic.twitter.com/A7ZYi3LBdz — ANI (@ANI) August 30, 2025
credit : social media
शांघाय सहकार्य संघटना म्हणजेच SCO ची स्थापना २००१ मध्ये झाली. आज या संघटनेत चीन, रशिया, भारत, पाकिस्तान, कझाकस्तान, किर्गिस्तान, ताजिकिस्तान, उझबेकिस्तान आणि इराण असे ९ देश कायम सदस्य आहेत. तर बेलारूस, मंगोलिया आणि अफगाणिस्तान हे निरीक्षक देश आहेत. आशियातील राजकीय घडामोडी, सुरक्षा विषयक सहकार्य आणि व्यापारवाढीसाठी हे व्यासपीठ अत्यंत महत्त्वाचं मानलं जातं. त्यामुळेच तियानजिनमधील ही शिखर परिषद जगभरातील माध्यमांचं आणि धोरणकर्त्यांचं लक्ष वेधून घेत आहे.
पंतप्रधान नरेंद्र मोदी जपानच्या दोन दिवसांच्या दौऱ्यानंतर थेट तियानजिनला पोहोचले आहेत. जपानमध्ये त्यांनी पंतप्रधान शिगेरू इशिबा यांची भेट घेऊन द्विपक्षीय संबंधांवर चर्चा केली. आता चीनमधील या शिखर परिषदेत मोदी दोन मोठ्या द्विपक्षीय बैठका घेणार आहेत.
या बैठकींमध्ये परस्पर संबंध, प्रादेशिक प्रश्न आणि आर्थिक सहकार्य यावर सखोल चर्चा होण्याची शक्यता आहे.
जागतिक घडामोडी संबंधित बातम्या वाचण्यासाठी येथे क्लिक करा : Saffron Shawl : मोदी इफेक्ट! आता असीम मुनीरला कोणी ओढवली भगवी शाल? पाकिस्तानच्या फील्ड मार्शलचा VIDEO VIRAL
तियानजिनमधील ही परिषद एकाच वेळी दोन संदेश देत आहे –
मानवाच्या सेवेत उतरणारे रोबोट हे भविष्यातील जगाची झलक आहेत. कदाचित हीच सुरुवात आहे त्या काळाची, जेव्हा आंतरराष्ट्रीय परिषदा केवळ चर्चेपुरत्या मर्यादित न राहता तांत्रिक नवकल्पनांचं थेट प्रदर्शन बनतील.
