शुक्रवार, 16 ऑक्टोबर 2026
'हा दहशतवादी हल्ला आहे,' व्हाईट हाऊसजवळ दोन नॅशनल गार्ड्सना गोळीबार केल्याबद्दल ट्रम्प संतापले, बायडेनवर टीका केली ( फोटो सौजन्य : सोशल मीडिया)
अमेरिकेचे अध्यक्ष डोनाल्ड ट्रम्प यांनी या घटनेचा तीव्र शब्दांत निषेध करत याला थेट “दहशतवादी हल्ला” म्हटले आहे. एका व्हिडिओ संदेशाद्वारे त्यांनी सांगितले की, “थँक्सगिव्हिंगच्या आधी आपल्या राजधानीत आपल्या जवानांवर झालेला हा हल्ला हा संपूर्ण राष्ट्राविरुद्धचा गुन्हा आहे. हा मानवतेविरुद्धचा अपराध आहे आणि याला कधीही माफी नाही.” ट्रम्प यांच्या वक्तव्यांमुळे अमेरिकन राजकारणात तणाव आणखी वाढला आहे.
जागतिक घडामोडी संबंधित बातम्या वाचण्यासाठी येथे क्लिक करा : War Alert : कधीही होऊ शकते युद्ध! Durand Lineवर हालचालींना वेग; पाकिस्तानची आता खैर नाही, सूडाच्या आगीत पटले ‘हे’ देश
ट्रम्प यांनी पेंटागॉनला वॉशिंग्टनमध्ये ५०० अतिरिक्त सैन्य तैनात करण्याचे निर्देश दिले असून राजधानीत सुरक्षा अधिक कडक करण्यात येत आहे. हल्ल्याच्या ठिकाणी उपस्थित असलेल्या प्राथमिक तपास पथकाने मिळालेल्या माहितीनुसार, संशयिताने जवळून गोळीबार केल्यानंतर पळण्याचा प्रयत्न केला, परंतु सुरक्षा दलांनीच त्याला जखमी अवस्थेत पकडले. २९ वर्षीय रहमानउल्लाह लकनवाल या अफगाण नागरिकाला ताब्यात घेण्यात आले आहे. प्राथमिक चौकशीत असे समोर येत आहे की हा संशयित २०२१ मध्ये अमेरिकेत आला होता. न्याय विभागाच्या अधिकाऱ्यांनी माहिती दिली की या संपूर्ण प्रकरणाची तपासणी दहशतवादी कृत्य म्हणून केली जात आहे.
pic.twitter.com/oQK0HLgf88 — Donald J. Trump (@realDonaldTrump) November 26, 2025
credit : social media
या घटनेनंतर ट्रम्प यांनी थेट माजी अध्यक्ष जो बायडेन यांच्यावर निशाणा साधला. त्यांनी म्हटले की, “बायडेन प्रशासनाच्या काळात लाखो परदेशी नागरिकांना तपास न करता देशात प्रवेश देण्यात आला. आता त्या प्रत्येक व्यक्तीची पुन्हा कठोर तपासणी केली जाईल.” ट्रम्प यांच्या आदेशांमुळे अमेरिकेत राहणाऱ्या हजारो अफगाण नागरिकांवर मोठा परिणाम होण्याची शक्यता आहे.
विशेष म्हणजे, या प्रकरणामुळे अमेरिकेत अफगाण निर्वासितांच्या सुरक्षेबाबत आणि त्यांच्यासोबत वागणुकीबाबत पुन्हा मोठी चर्चा सुरू झाली आहे. मानवी हक्क संस्थांनी ट्रम्प यांच्या वक्तव्यांबद्दल चिंता व्यक्त केली असली तरी ट्रम्प समर्थकांचा दावा आहे की राष्ट्रीय सुरक्षेसाठी या उपायांची आवश्यकता आहे.
President Trump righteous anger I am pissed. 2 National Guardsmen shot at point blank range His statement pic.twitter.com/k8UXLLpL1h — 🇺🇸 ʟᴇғᴛ ᴄᴏᴀˢᴛ ᴠᴀɢʀᴀɴᴛ 🇺🇸 (@Baklava_USA) November 27, 2025
credit : social media
जागतिक घडामोडी संबंधित बातम्या वाचण्यासाठी येथे क्लिक करा : Guinea-Bissau : आता ‘या’ देशातही निवडणुकीनंतर अवघ्या तीनच दिवसात झाले सत्तापालट; सीमा केल्या बंद अन् राष्ट्रपती बेपत्ता
घटनेनंतर वॉशिंग्टनमध्ये तणावपूर्ण वातावरण असून सुरक्षा दलांनी शहरातील संवेदनशील भागांमध्ये गस्त वाढवली आहे. तपास संस्थांनी या हल्ल्यामागे कोणत्याही संघटित दहशतवादी गटाचा हात आहे का, यावरही काम सुरू केले आहे. ही घटना अमेरिकेच्या राजकीय वातावरणावर मोठा परिणाम करेल, असे तज्ज्ञांचे मत आहे. ट्रम्प यांच्या कठोर भूमिकेमुळे आगामी निवडणुकांच्या पार्श्वभूमीवर राजकीय तापमान आणखी वाढण्याची शक्यता आहे.
Ans: दोन नॅशनल गार्ड जवानांवर गोळीबार झाला आणि दोघांचीही प्रकृती गंभीर आहे.
Ans: २९ वर्षीय अफगाण नागरिक रहमानउल्लाह लकनवाल ताब्यात घेतला आहे.
Ans: ट्रम्प यांनी या हल्ल्याला दहशतवादी कृत्य घोषित केले आणि अफगाण नागरिकांची कठोर पुनर्तपासणीचे आदेश दिले.
