मंगळवार, 20 ऑक्टोबर 2026
फोटो सौजन्य AI
अमेरिकेत आधीच महागाई आणि वाढत्या जीवनावश्यक खर्चाचा प्रश्न गंभीर आहे. अशा परिस्थितीत आयात शुल्क वाढल्याने कंपन्यांचा खर्च वाढण्याची शक्यता आहे. त्याचा परिणाम पुढे ग्राहकांना अधिक महाग वस्तूंच्या रूपात सहन करावा लागू शकतो.
सर्वेक्षणात २१ टक्के नागरिकांनी टॅरिफच्या मुद्द्यावर आपले मत निश्चित नसल्याचे सांगितले. त्यामुळे ट्रम्प प्रशासनाच्या व्यापार धोरणाबाबत अमेरिकन जनतेमध्ये स्पष्ट एकमत नसल्याचे दिसून येत आहे.
G20 Meeting : युक्रेन युद्धानंतर पहिल्यांदाच रशियाचा G20 बैठकीत सहभाग; पत्रकारांना प्रवेशबंदी
अमेरिका आणि कॅनडामधील व्यापार चर्चा अयशस्वी झाल्यानंतर दोन्ही देशांमधील तणाव वाढला आहे. अमेरिकेने काही कॅनेडियन वस्तूंवर ५० टक्क्यांपर्यंत टॅरिफ लागू केले आहेत. त्याला प्रत्युत्तर म्हणून कॅनडानेही अमेरिकन वस्तूंवर प्रतिशुल्क लावण्याचा निर्णय घेतला आहे.
कॅनडाचे पंतप्रधान मार्क कार्नी यांनी अमेरिकेने व्यापार चर्चा पुन्हा सुरू करण्यासाठी अधिक गंभीर आणि रचनात्मक भूमिका घ्यावी, अशी भूमिका मांडली आहे. त्यामुळे दोन्ही देशांमधील व्यापार संघर्ष आणखी वाढतो की चर्चेतून तोडगा निघतो, याकडे जगाचे लक्ष आहे.
Ceuta News : सेउतामध्ये जवळपास दररोज लैंगिक अत्याचार; सरकारी वकिलांचा गंभीर दावा
ट्रम्प यांच्या कॅनडासंदर्भातील धोरणाला विरोध केवळ टॅरिफपुरता मर्यादित नाही. लेक ओंटारियोचे नाव ‘लेक अमेरिका’ करण्याच्या निर्णयालाही ६३ टक्के अमेरिकन नागरिकांनी विरोध केला आहे. केवळ १४ टक्के नागरिकांनी या निर्णयाचे समर्थन केले.
टॅरिफ, वाढता जीवनावश्यक खर्च आणि कॅनडासोबतचा संघर्ष हे मुद्दे अमेरिकेच्या अंतर्गत राजकारणातही महत्त्वाचे ठरत आहेत. त्यामुळे आगामी काळात ट्रम्प प्रशासनाला आर्थिक धोरणांसोबत जनतेच्या नाराजीचाही सामना करावा लागू शकतो.
