रविवार, 11 ऑक्टोबर 2026
(फोटो सौजन्य-AI एआय)
1.हिरो एक्स्ट्रीम 160R 4V
हिरो मोटोकॉर्पने अपडेटेड एक्स्ट्रीम 160R 4V चा टीझर प्रसिद्ध केला आहे. त्यातून बाइकच्या मागच्या भागाची आणि एक्झॉस्टची झलक दिसते. नव्या मॉडेलमध्ये TFT इन्स्ट्रुमेंट कन्सोल मिळण्याची शक्यता आहे. सध्याच्या बाइकमध्ये राइड मोड्स, USD फ्रंट फोर्क्स आणि ड्रॅग टायमर यांसारखी फीचर्स आहेत. अपडेटेड व्हर्जनमध्ये स्टायलिंगमध्ये बदल आणि आधुनिक डिस्प्ले मिळू शकतो. पण किंमत आणि लाँचची तारीख अद्याप जाहीर झालेली नाही.
बजाज पल्सरचा ‘कमबॅक’ प्लॅन! 125 आणि 150 नव्या अवतारात, मार्केट शेअर परत मिळवणार
2.हार्ले-डेव्हिडसन स्प्रिंट 440
हार्ले-डेव्हिडसन स्प्रिंट 440 ही पारंपरिक क्रूझर स्टाइल पसंत करणाऱ्यांसाठी आकर्षक ठरू शकते. लांब आणि लो-स्टान्स बॉडी, टिअरड्रॉप आकाराचा फ्युल टँक, मागच्या बाजूला झुकलेले हँडलबार आणि खोल सीट हे तिचे खास आकर्षण असेल. यात 440cc सिंगल-सिलिंडर इंजिन मिळण्याची अपेक्षा आहे. हे इंजिन 27 hp पॉवर आणि 38 Nm टॉर्क देऊ शकते. 6-स्पीड गिअरबॉक्ससह येणारी ही बाइक हिरो मोटोकॉर्पच्या भारतीय प्रोडक्शन सुविधेत तयार होण्याची शक्यता आहे. तिचे आगमन 2026 च्या अखेरीस होऊ शकते.
3.अपडेटेड बजाज पल्सर NS200
बजाज पल्सर NS200 मध्ये फीचर्सच्या बाबतीत मोठे बदल अपेक्षित आहेत. 5-इंच TFT डिस्प्ले, क्विकशिफ्टर, 4 राइडिंग मोड्स आणि ट्रॅक्शन कंट्रोल यांसारखी फीचर्स मिळू शकतात. याशिवाय रेडियल टायर्स, अ‍ॅडजस्टेबल लिव्हर्स आणि USB Type-C चार्जिंग पोर्टही दिला जाऊ शकतो. नवीन नार्डो ग्रे रंगाची झलकही समोर आली आहे. 199cc लिक्विड-कूल्ड इंजिन कायम राहण्याची शक्यता असून, पॉवर 25.5 hp पर्यंत जाऊ शकते.
4.अपडेटेड बजाज पल्सर RS200
स्पोर्टी फेअरिंगसाठी ओळखल्या जाणाऱ्या पल्सर RS200 मध्येही अपडेट्स अपेक्षित आहेत. टेस्टिंगदरम्यान USD फ्रंट फोर्क्स आणि 5-इंच TFT डिस्प्ले दिसला आहे. 199.5cc लिक्विड-कूल्ड इंजिन कायम राहून 24.5 hp पॉवर आणि 18.7 Nm टॉर्क मिळण्याची शक्यता आहे. नव्या स्विचगिअर आणि अ‍ॅडजस्टेबल लिव्हर्समुळे बाइकचा अनुभव आणखी सुधारू शकतो.
5.बजाजची पहिली अ‍ॅडव्हेंचर बाइक
बजाजची पहिली अ‍ॅडव्हेंचर बाइक भारत आणि ब्राझीलमध्ये टेस्टिंगदरम्यान दिसली आहे. उंच राइडिंग पोझिशन, फ्रंट बीक, फोर्क गेटर्स आणि वायर-स्पोक व्हील्स यामुळे ती खराब रस्ते आणि हलक्या ऑफ-रोडिंगसाठी तयार केली जात असल्याचे संकेत मिळतात. यात पल्सर N250 वर आधारित 249cc एअर/ऑइल-कूल्ड इंजिन मिळू शकते. हे इंजिन 24.5 PS पॉवर आणि 21.5 Nm टॉर्क देते. TFT डिस्प्लेही मिळण्याची शक्यता आहे. ही बाइक 2026 च्या अखेरीस किंवा 2027 च्या सुरुवातीला दाखल होऊ शकते. मात्र, अंतिम स्पेसिफिकेशन्स, किंमत आणि लाँचची तारीख कंपन्यांकडून जाहीर होणे बाकी आहे.
